వాడి సర్జికల్స్, హుబెర్టస్ ప్రొడక్ట్స్‌తో భాగస్వామ్యం

హైదరాబాద్, సెప్టెంబర్ 1(విజయక్రాంతి): ఎన్లివా నైట్రైల్ గ్లోవ్ బ్రాండ్ యజమాని వాడి సర్జికల్స్ ప్రైవేట్ లిమిటెడ్, హోరెకా రంగం కోసం ప్రత్యేకంగా అభివృద్ధి చేసిన నలుపు రంగు, ఆహార- సురక్షిత నైట్రైల్ గ్లోవ్ ఎన్లివా యాక్టివ్ టీఎంను ప్రారంభించడానికి ఆంధ్రప్రదేశ్‌కు చెందిన హుబెర్టస్ మెడికల్ ప్రొడక్ట్స్ ప్రైవేట్ లిమిటెడ్‌(Hubertus Medical Products Private Limited)తో భాగస్వామ్యం కుదుర్చుకుంది.

హోర్, రెస్టారెంట్ మరియు కేటరింగ్ విభాగం కోసం భారతదేశపు మొట్టమొదటి ప్రత్యేక బ్లాక్ నైట్రైల్ గ్లౌజ్‌గా ఎన్లివా యాక్టివ్ పరిచయం చేయబడుతోంది. ఇది రెస్టారెంట్లు, హోటళ్లు, క్యాటరింగ్ కంపెనీలు, ఆహార తయారీ,ఆహార నిర్వహణ వాతావరణాలకు ‘మేడ్-ఇన్-ఇండియా’ ప్రత్యామ్నాయాన్ని అందిస్తుంది. వాడి సర్జికల్స్, హుబెర్టస్ మెడికల్ ప్రొడక్ట్స్ మధ్య ఈ సహకారం, అభివృద్ధి చెందుతున్న దేశీయ మార్కెట్ అవసరాలకు ప్రత్యేకంగా ఉత్పత్తులను రూపొందించడంలో భారతీయ తయారీ భాగస్వామ్యాల శక్తిని ప్రతిబింబిస్తుంది.

పెరుగుతున్న డిమాండ్‌కు అనుగుణంగా, నెలకు సుమారు 60 లక్షల గ్లౌజుల (సంవత్సరానికి 7.2 కోట్ల గ్లౌజులకు సమానమైన) ఉత్పత్తితో ఎన్లివా యాక్టివ్ ఉత్పత్తి ప్రారంభమైంది. దీనిని నెలకు సుమారు 1 కోటి గ్లౌజులకు పెంచే ప్రణాళికలు ఉన్నాయి. ఈ ఉత్పత్తి కోసం ఎగుమతి మార్కెట్లను అభివృద్ధి చేయాలని కూడా వాడి సర్జికల్స్ యోచిస్తోంది.

ఈ సహకారంపై వాడి సర్జికల్స్ ప్రైవేట్ లిమిటెడ్ వ్యవస్థాపకుడు, మేనేజింగ్ డైరెక్టర్ కొండా అనిందిత్ రెడ్డి మాట్లాడుతూ, ఎన్లివా యాక్టివ్ మాకు ఒక ముఖ్యమైన ముందడుగు. మేము కేవలం మరో గ్లౌజుల విభాగంలోకి ప్రవేశించడం లేదు, ప్రత్యేకంగా హోరేకా పరిశ్రమ కోసం ‘మేడ్-ఇన్-ఇండియా’ ఉత్పత్తిని సృష్టిస్తున్నాం.హుబెర్టస్ మెడికల్ ప్రొడక్ట్సో్త మా భాగస్వామ్యం, ఈ అవకాశాన్ని అందిపుచ్చుకోవడానికి,భారతదేశం కోసం, చివరికి ప్రపంచ మార్కెట్ల కోసం ఒక ఉత్పత్తిని రూపొందించడానికి భారతీయ సామర్థ్యాలను ఏకతాటిపైకి తెస్తుంది.

ఇటువంటి సహకారమే ఆత్మనిర్భర్ భారత్‌ను బలోపేతం చేయగలదు అని అన్నారు. హుబెర్టస్ మెడికల్ ప్రొడకట్స్ మేనేజింగ్ డైరెక్టర్ డాక్టర్ బాలరాజు జక్కుల మాట్లాడుతూ ఎన్లివా యాక్టివ్‌ను భారత మార్కెట్లోకి తీసుకురావడానికి వాడి సర్జికల్స్‌తో భాగస్వామ్యం కావడం మాకు చాలా సంతోషంగా ఉంది అన్నారు. ఎన్లివా యాక్టివ్, భారతీయ తయారీ రంగ బలాలను, ఫుడ్-సర్వీస్ పరిశ్రమ అవసరాలపై ఉన్న స్పష్టమైన అవగాహనతో మిళితం చేస్తుంది. ఈ ’మేడ్-ఇన్-ఇండియా’ చొరవలో భాగమైనందుకు మేము గర్వపడుతున్నాం, ఈ ఉత్పత్తిని భారతదేశం వెలుపలి మార్కెట్లకు కూడా తీసుకువెళ్లడానికి ఎదురుచూస్తున్నాం అని అన్నారు.