1. చాక్లెట్ ఆశచూపి పైశాచికం
   

సీసీ ఫుటేజీ ఆధారంగా నిందితుడి అరెస్ట్

రంగారెడ్డి జిల్లా నార్సింగిలో దారుణం

మణికొండ, మార్చి 16 (విజయక్రాంతి): రంగారెడ్డి జిల్లా నార్సింగి పరిధిలో తీవ్ర విషా దం చోటుచేసుకుంది. చాక్లెట్ ఇప్పిస్తానని నమ్మించిన ఓ దుండగుడు ఆరేళ్ల చిన్నారిపై లైంగిక దాడికి పాల్పడి, కిరాతకంగా హత్య చేశాడు. ఆదివారం సాయంత్రం ఆడుకునేందుకు ఇంటి నుంచి బయటకు వెళ్లిన బాలిక తిరిగి రాలేదు. బాలిక ఎంతకీ ఇంటికి తిరిగి రాకపోవడంతో ఆందోళనకు గురైన తల్లిదండ్రులు చుట్టుపక్కల వెతికి, రాత్రి పది గంటల సమయంలో నార్సింగి పోలీసులకు ఫిర్యాదు చేశారు. తక్షణమే స్పందించిన పోలీసులు మిస్సింగ్ కేసు నమోదు చేసి గాలింపు చర్యలు చేపట్టారు.

స్థానికంగా ఉన్న సీసీటీవీ కెమెరాలను పరిశీలించగా ఓ వ్యక్తి బాలికను తన వెంట తీసుకెళ్తున్న దృశ్యాలు రికార్డయ్యాయి. ఆ ఫుటేజీ ఆధారంగా నిందితుడిని పసిగట్టి అదుపులోకి తీసుకున్నారు. పోలీసుల విచారణలో నిందితుడు నేరాన్ని అంగీకరించి, రాత్రి ఒంటి గంట సమయంలో చిన్నారి మృతదేహాన్ని చూపించాడు. పోలీసులు దర్యాప్తు ముమ్మరం చేశారు.