అంతరిక్షంలో పేలిన ఎలాన్ మస్క్ 'స్టార్‌ షిప్‌' రాకెట్

బిలియనీర్ ఎలోన్ మస్క్ ఏరోస్పేస్ కంపెనీ(Elon Musk Aerospace Company) అభివృద్ధి చేసిన స్పేస్‌ఎక్స్ స్టార్‌షిప్ మెగా రాకెట్(SpaceX Starship Mega Rocket), విజయవంతమైన ప్రయోగం తర్వాత డమ్మీ స్టార్ లింక్ శాటిలైట్లతో గాల్లోనే పేలిపోయింది. ఈ సంఘటన టెక్సాస్‌లోని బోకా చికాలో జరిగింది. అక్కడ నిన్న సాయంత్రం 5:30 గంటలకు రాకెట్ ప్రయోగించబడింది. ప్రారంభంలో, స్టార్‌షిప్ సజావుగా పైకి లేచింది. కానీ అది అకస్మాత్తుగా పేలిపోయి, పెద్ద ముక్కలుగా విచ్ఛిన్నమైంది. 

పేలుడు నుండి శిథిలాలు ఫ్లోరిడా, బహమాస్ దీవుల మీదుగా ఆకాశం గుండా పడిపోవడం కనిపించింది. కొన్ని ముక్కలు అవి పడుతున్నప్పుడు మంటలను విడుదల చేస్తున్నట్లు కనిపించాయి.ఈ సంఘటనను చిత్రీకరించిన వీడియోలు సోషల్ మీడియాలో వైరల్ అయ్యాయి. ఈ సంఘటనకు ప్రతిస్పందనగా, స్పేస్‌ఎక్స్ వైఫల్యం నుండి విలువైన పాఠాలు నేర్చుకుంటున్నామని పేర్కొంది. స్టార్‌షిప్(SpaceX Starship) కార్యక్రమానికి ఇది మొదటి ఎదురుదెబ్బ కాదు, జనవరిలో ఇలాంటి టెస్ట్ ఫ్లైట్ కూడా సాంకేతిక కారణాల వల్ల విఫలమైందని, స్పేస్‌ఎక్స్ గతంలో అంగీకరించినట్లు తెలిపింది