4 February, 2026 | 6:02 AM
జూ పార్కులో తెల్లపులి మృతి
04-02-2026 12:35:10 AM
హనుమకొండ టౌన్, ఫిబ్రవరి 3 (విజయక్రాంతి): హనుమకొండ హంటర్ రోడ్ లోని కాకతీయ జూ పార్క్ లో తెల్ల పులి (15) మృతి చెందింది. వృద్ధాప్య సమస్యలు, గుండె పోటు రావడంతో మృతి చెందినట్లు అటవీశాఖ అధికారి మయూరి వెల్లడించారు. సాధారణంగా పులుల జీవితకాలం 14 ఏళ్లు కాగా, ఈ పులి అంతకంటే ఎక్కువ కాలం జీవించిందని పేర్కొన్నారు. రెండు నెలలుగా వైద్యులు చికిత్స అందించిన ఫలితం లేకపోయింది. నిబంధనల ప్రకారం పోస్ట్ మార్టం నిర్వహించి, ఉన్నతాధికారులకు నివేదిక పంపినట్లు తెలిపారు.
