వంటకు సంపు నీరే దిక్కు!
- కంగ్టి గిరిజన బాలుర వసతి గృహంలో విద్యార్థుల అవస్థలు
- 500 మందికి పైగా విద్యార్థులు..
- వంటకు ఫిల్టర్ నీటి సౌకర్యం కరువు
కంగ్టి, సెప్టెంబర్ 22: సంగారెడ్డి జిల్లా(Sangareddy District) కంగ్టి మండలంలోని తెలంగాణ గిరిజన సంక్షేమ రెసిడెన్షియల్ జూనియర్ కళాశాల (బాలుర) వసతి గృహంలో(Telangana Tribal Welfare Residential Junior College (Boys) Hostel) వంట నీటి విషయంలో సమస్య నెలకొంది. వసతి గృహంలో తాగునీటికి ఫిల్టర్ సౌకర్యం(Drinking water filtration facility) ఉన్నప్పటికీ, విద్యార్థులకు(Students) వంట చేయడానికి మాత్రం ఫిల్టర్ నీరు అందుబాటులో లేదని తెలుస్తోంది. దీంతో సంపు నుంచి వచ్చే నీటినే వంటకు వినియోగిస్తున్నామని విద్యార్థులు చెబుతున్నారు. వసతి గృహంలోని సంపులోని నీటిలో మురికి మలినాలు కనిపిస్తున్నాయని విద్యార్థులు(Students) ఆందోళన వ్యక్తం చేస్తున్నారు.
అదే నీటిని వంటకు వినియోగించాల్సి వస్తుండటంతో నీటి నాణ్యతపై వారు ఆవేదన వ్యక్తం చేస్తున్నారు. వసతి గృహంలో 500 మందికి పైగా విద్యార్థులు ఉండటంతో సమస్యపై అధికారులు ప్రత్యేక దృష్టి సారించాలని కోరుతున్నారు. వంటకు సంపు నీరే ఆధారం. తాగడానికి ఫిల్టర్ నీరు(Filtered water) అందుబాటులో ఉన్నప్పటికీ వంట చేయడానికి ఫిల్టర్ నీరు లేదు.
సంపు నుంచి వచ్చే నీటితోనే వంట చేస్తున్నారు. సంపులో నీరు మురికిగా ఉన్న సందర్భాల్లో కూడా అదే నీటిని వినియోగించాల్సి వస్తోందని విద్యార్థులు చెబుతున్నారు. వంటకు సురక్షితమైన నీటిని అందించడంతో పాటు సంపును క్రమం తప్పకుండా శుభ్రపరచి, నీటి నాణ్యతను పరీక్షించాలని విద్యార్థులు కోరుతున్నారు.
చర్యలు తీసుకుంటాం.. విజయ్, ప్రిన్సిపాల్
వసతి గృహంలోని నీటి సంపును నెలకు ఒకసారి శుభ్రం చేస్తున్నాం. ఇలాంటి పొరపాట్లు మళ్లీ జరగకుండా చర్యలు తీసుకుంటాం. ప్రస్తుతం రెసిడెన్షియల్ కళాశాలకు నిధుల రాబడి లేకపోవడంతో వంటకు ఫిల్టర్ నీటి సౌకర్యం ఏర్పాటు చేయలేకపోతున్నాం. తాగునీటికి ఫిల్టర్ సౌకర్యం ఇప్పటికే ఉంది. నిధులు వచ్చిన వెంటనే అవసరమైన అన్ని సౌకర్యాలు ఏర్పాటు చేసి వంట చేయడానికి కూడా ఫిల్టర్ నీటిని అందుబాటులోకి తీసుకువస్తాం.
