వీర్నపల్లిలో ఘనంగా సద్దుల బతుకమ్మ సంబరాలు

వీర్నపల్లి అక్టోబర్ 18 విజయ క్రాంతి : తెలంగాణ సంస్కృతి, సంప్రదాయాలకు(Telangana culture and traditions) ప్రతీకగా నిలిచే బతుకమ్మ పండుగ వేడుకలను వీర్నపల్లిలో మహిళలు, యువతులు భక్తిశ్రద్ధలతో(devotional), ఉత్సాహంగా జరుపుకున్నారు. రంగురంగుల పూలతో అందంగా పేర్చిన బతుకమ్మలను ఏర్పాటు చేసి, సంప్రదాయ దుస్తులు ధరించి, బతుకమ్మ పాటలు పాడుతూ సంబరాల్లో పాల్గొన్నారు.వివిధ రకాల పూలతో అలంకరించిన బతుకమ్మలు ప్రత్యేక ఆకర్షణగా నిలిచాయి.

మహిళలు సంప్రదాయబద్ధంగా బతుకమ్మ చుట్టూ తిరుగుతూ పాటలు పాడి, తెలంగాణ సంస్కృతి వైభవాన్ని చాటిచెప్పారు. పండుగ సందర్భంగా గ్రామంలో పండుగ వాతావరణం నెలకొంది. చిన్నాపెద్దా తేడా లేకుండా అందరూ ఉత్సాహంగా పాల్గొని ఆనందాన్ని పంచుకున్నారు.

బతుకమ్మ పండుగ తెలంగాణ ఆడపడుచుల ఆత్మీయతకు, ప్రకృతి ఆరాధనకు, పూల వైభవానికి ప్రతీకగా నిలుస్తుందని పలువురు పేర్కొన్నారు. తరతరాలుగా వస్తున్న ఈ సంప్రదాయాన్ని భావితరాలకు అందించాల్సిన బాధ్యత ప్రతి ఒక్కరిపై ఉందని తెలిపారు.తెలంగాణ సంస్కృతి సంప్రదాయాలను ప్రతిబింబించే బతుకమ్మ సంబరాలతో వీర్నపల్లి గ్రామం పండుగ శోభను సంతరించుకుంది.