టీబీ బాధితులకు న్యూట్రిషన్ కిట్ల పంపిణీ

పౌష్టికాహారంతో త్వరగా కోలుకునే అవకాశం: డాక్టర్ జువేరియా బేగం

నాగల్‌గిద్ద, అక్టోబర్ 3 (విజయక్రాంతి): నాగల్‌గిద్ద మండలం కరస్‌గుత్తి ప్రాథమిక ఆరోగ్య కేంద్రంలో(Karasugutti Primary Health Centre) టీబీ చికిత్స(TB treatment) పొందుతున్న బాధితులకు పోషకాహార సహాయంగా న్యూట్రిషన్ కిట్లను(Nutrition kits) పంపిణీ చేశారు. వైద్యాధికారి డాక్టర్ జువేరియా బేగం, సూపర్‌వైజర్ విక్టోరియా రాణి ఆధ్వర్యంలో నలుగురు టీబీ బాధితులకు ఒక్కొక్కరికి ఒకటి చొప్పున మొత్తం నాలుగు న్యూట్రిషన్ కిట్లను అందజేశారు.ఈ సందర్భంగా డాక్టర్ జువేరియా బేగం మాట్లాడుతూ టీబీ బాధితులు వైద్యులు(Doctors) సూచించిన మందులను క్రమం తప్పకుండా తీసుకోవడంతో పాటు పౌష్టికాహారానికి ప్రాధాన్యం ఇవ్వాలని సూచించారు.

చికిత్సను మధ్యలో నిలిపివేయకుండా పూర్తి కోర్సు కొనసాగించాలని, ఆరోగ్య సిబ్బంది సూచనలను పాటించాలని తెలిపారు. పోషకాహారం శరీరానికి అవసరమైన బలాన్ని అందించడంలో తోడ్పడుతుందని పేర్కొన్నారు.టీబీ లక్షణాలు ఉన్నవారు నిర్లక్ష్యం చేయకుండా ప్రభుత్వ ఆరోగ్య కేంద్రాల్లో పరీక్షలు చేయించుకోవాలని సూచించారు. సకాలంలో గుర్తించి సరైన చికిత్స తీసుకోవడం ముఖ్యమన్నారు. కార్యక్రమంలో కరస్‌గుత్తి ప్రాథమిక ఆరోగ్య కేంద్రం సిబ్బంది తదితరులు పాల్గొన్నారు.