రామాపురం క్రాస్ రోడ్డులో సాయిమందిరంలో విశేష పూజలు, అన్నదానం
దాతల సహకారంతో భక్తులకు అన్నప్రసాద వితరణ
కోదాడ అక్టోబర్ 15(విజయక్రాంతి): కోదాడ మండల పరిధిలోని రామాపురం క్రాస్రోడ్డు(Ramapuram Crossroad) వద్ద ఉన్న షిరిడీ సాయిబాబా మందిరంలో(Shirdi Sai Baba Temple) గురువారం విశేష పూజలు భక్తిశ్రద్ధలతో నిర్వహించారు. ఈ సందర్భంగా సాయినాథునికి ప్రత్యేక పూజలు, అర్చనలు నిర్వహించి భక్తులు స్వామివారి ఆశీస్సులు పొందారు. అనంతరం దాతల సహకారంతో భక్తులకు అన్నదాన కార్యక్రమాన్ని నిర్వహించారు.
ఈ కార్యక్రమంలో భక్తులు పెద్ద సంఖ్యలో పాల్గొని అన్నప్రసాదాన్ని స్వీకరించారు. ఈ సందర్భంగా మందిరం చైర్మన్ నల్లపాటి నరసింహారావు మాట్లాడుతూ, దాతల సహకారంతో మందిరంలో ఆధ్యాత్మిక కార్యక్రమాలతో పాటు అన్నదాన కార్యక్రమాలను నిర్వహించడం సంతోషంగా ఉందన్నారు. అన్నదానం మహాదానమని, భక్తులు, దాతలు అందిస్తున్న సహకారం అభినందనీయమని పేర్కొన్నారు.
సాయిబాబా ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. భవిష్యత్తులోనూ దాతల సహకారంతో మరిన్ని ఆధ్యాత్మిక, సేవా కార్యక్రమాలను నిర్వహిస్తామని తెలిపారు. ఈ కార్యక్రమంలో అర్చకుడు సాయి శర్మ, ముండ్రా రామారావు, ఆదినారాయణ, పూర్ణ, భక్తులు తదితరులు పాల్గొన్నారు.
