తల గాయాలపై అప్రమత్తత అవసరం
నిర్లక్ష్యం చేయొద్దని హెచ్చరిస్తున్న వైద్యులు
తెలంగాణలో రోజుకు 21 మంది రోడ్డు ప్రమాదాల్లో మృతి
హైదరాబాద్, అక్టోబర్ 16 (విజయక్రాంతి): రోడ్డు ప్రమాదాల్లో తలకు తగిలే గాయా లు ప్రాణాంతకంగా మారే ప్రమాదం ఉన్నందున ప్రజలు అప్రమత్తంగా ఉండాలని వైద్య నిపుణులు(Medical Experts) సూచిస్తున్నారు. ప్రమాదం జరిగిన వెంటనే బాధితుడు సాధారణంగానే కని పించినప్పటికీ, మెదడులో అంతర్గత రక్తస్రా వం లేదా వాపు ఉండే అవకాశం ఉందని, అందువల్ల తల గాయాలను నిర్లక్ష్యం చేయకూడదని హెచ్చరిస్తున్నారు. 2026 జనవరి 1 నుంచి జూలై 27 వరకు తెలంగాణలో 16,179 రోడ్డు ప్రమాదాలు నమోదయ్యా యి.
ఈ ప్రమాదాల్లో 4,452 మంది ప్రాణా లు కోల్పోగా, 16,043 మంది గాయపడ్డారు. ఈ గణాంకాల ప్రకారం, ఆ కాలం లో రాష్ట్రంలో రోజుకు సగటున 21 మంది రోడ్డు ప్రమాదాల కారణంగా మృత్యువాత పడ్డారు. రోడ్డు ప్రమాదాల తీవ్రతను, బాధితులకు సకాలంలో వైద్యసేవలు అందించాల్సి న అవసరాన్ని ఈ వివరాలు తెలియజేస్తున్నాయి. తలకు గాయమై నప్పుడు బయట కనిపించే గాయాన్ని బట్టి ప్రమాద తీవ్రతను అంచ నా వేయడం సరికాదు. తీవ్రమైన తలనొప్పి, పదేపదే వాంతులు, మగత, స్పృహ కోల్పోవడం, చేతులు లేదా కాళ్లలో బలహీనత వం టి లక్షణాలు కనిపిస్తే వెంటనే ఆసుపత్రికి తీసుకెళ్లాలి.
కొన్ని సందర్భాల్లో గాయం జరిగిన వెంటనే లక్షణాలు స్పష్టంగా కనిపించక పోయినా, ఆ తర్వాత పరిస్థితి విషమించే అవకాశం ఉంటుంది. తీవ్రమైన మెదడు గాయాలను గుర్తించేందుకు వైద్య పరీక్షలు, అవసరాన్ని బట్టి సీటీ స్కాన్ వంటి పరీక్షలు కీలకంగా ఉంటాయి. మెదడులో రక్తస్రావం లేదా వాపును సకాలంలో గుర్తించి తగిన చికిత్స అందించడం ద్వారా ప్రాణాపాయా న్ని తగ్గించవచ్చు. ప్రతి తల గాయానికీ శస్త్రచికిత్స అవసరం ఉండదు. అయి తే, తీవ్రమైన గాయాల విషయం లో చికిత్సలో ఆలస్యం ప్రాణాలకే ము ప్పు కలిగించవచ్చు.
ప్రమాద స్థ లంలో బాధితుడిని అనవసరంగా కదిలించకుండా అత్యవసర వైద్యసేవలకు సమాచారం అం దించాలి. ముఖ్యంగా మెడ లేదా వెన్నెముకకు గాయం అయి ఉండే అవకాశం ఉన్న ప్పుడు మరింత జాగ్రత్త అవసరం. హెల్మెట్ ధరించడం, కారులో సీట్బెల్ట్ ఉపయోగించడం, అతివేగానికి దూరంగా ఉండ టం, మద్యం సేవించి వాహనం నడపకపోవడం వంటి చర్యలు ప్రమాదాల తీవ్రతను తగ్గించడంలో కీలక పాత్ర పోషిస్తాయి.రోడ్డు భద్రతపై అవగాహన పెంచుకోవడంతోపాటు, ప్రమాదం జరిగినప్పుడు తక్షణమే సరైన వైద్యసహాయం అందేలా చూడాలి. తల గాయాల విషయంలో అప్రమత్తత, సకాలంలో చికిత్స ఒక ప్రాణాన్ని కాపాడటమే కాకుండా బాధితుడి కుటుంబ భవిష్యత్తును కూడా రక్షించగలవు.
