దళిత హక్కుల కోసం సమరశంఖం

19-11-2026 | 11:47am

మణుగూరు, నవంబర్ 19 (విజయక్రాంతి): దళిత హక్కుల పోరాట సమితి (DHPS) 20వ వార్షికోత్సవ సభలను విజయవంతం చేయాలని జిల్లా వర్కింగ్ ప్రెసిడెంట్ పేరాల శ్రీనివాస్ పిలుపునిచ్చారు. ఈ మేరకు గురువారం మణుగూరులోని సీపీఐ కార్యాలయంలో డీహెచ్‌పీఎస్, సీపీఐ నాయకులు వార్షికోత్సవ కరపత్రాలను విడుదల చేశారు.

ఈ నెల 29, 30 తేదీల్లో హైదరాబాద్‌లోని చిక్కడపల్లి సుందరయ్య విజ్ఞాన కేంద్రంలో వార్షికోత్సవ సభలు నిర్వహించనున్నట్లు తెలిపారు. ఈ సందర్భంగా పేరాల శ్రీనివాస్ మాట్లాడుతూ.. దేశానికి స్వాతంత్ర్యం వచ్చి 80 ఏళ్లు గడుస్తున్నా దళితులు వివక్ష, అంటరానితనం, దోపిడీకి గురవుతున్నారని ఆవేదన వ్యక్తం చేశారు. ప్రభుత్వం అమలు చేస్తున్న సంక్షేమ పథకాలు (Welfare Schemes) అర్హులైన దళితులకు పూర్తిస్థాయిలో చేరడం లేదని విమర్శించారు.

ఎస్సీ, ఎస్టీ సబ్‌ప్లాన్‌ను (SC/ST Sub Plan) బలోపేతం చేయాలని, దళితుల కోసం కేటాయించిన నిధులు దారి మళ్లించకుండా స్వయం ఉపాధి పథకాలు అమలు చేయాలని డిమాండ్ చేశారు. సామాజిక న్యాయం, కులవివక్ష నిర్మూలన, దళిత హక్కుల పరిరక్షణే లక్ష్యంగా వార్షికోత్సవ సభల్లో భవిష్యత్ కార్యాచరణ (Future Action Plan) రూపొందించనున్నట్లు తెలిపారు.

ఈ కార్యక్రమంలో సీపీఐ రాష్ట్ర సమితి సభ్యులు సరెడ్డి పుల్లారెడ్డి, డీహెచ్‌పీఎస్ నాయకులు జంగం మోహన్‌రావు, దుర్గ్యాల సుధాకర్, వేర్పుల నరేష్, ఎస్కే సర్వర్, ఎస్‌డీ ఉమర్ తదితరులు పాల్గొన్నారు.

మరిన్ని వార్తలు