మన కరెన్సీకి మళ్లీ కష్టకాలమేనా..?
డాలర్ దెబ్బకు రూపాయి విలవిల.. 20 పైసలు పతనం!
ముంబై, సెప్టెంబర్ 28: రూపాయికి మరోసారి షాక్ తగిలింది. సోమవారం ఉదయం ట్రేడింగ్లో అమెరికన్ డాలర్తో(Rupee vs Dollar today) పోలిస్తే భారత కరెన్సీ మరింత బలహీనపడింది. డాలర్ బలం పెరగడం, విదేశీ పెట్టుబడుల ఉపసంహరణ కొనసాగడం రూపాయిపై ఒత్తిడిని పెంచాయి. ఇంటర్బ్యాంక్ ఫారెక్స్ మార్కెట్లో రూపాయి 95.89 వద్ద ప్రారంభమై.. కాసేపటికే 95.95 స్థాయికి పడిపోయింది.
గత ముగింపు ధరతో పోలిస్తే ఇది 20(Rupee falls 20 paise) పైసల పతనం. మరోవైపు పశ్చిమాసియాలో కొనసాగుతున్న ఉద్రిక్తతల ప్రభావం మార్కెట్లపై కనిపిస్తోంది. దీనికి తోడు అంతర్జాతీయంగా ముడిచమురు ధరలు(Crude oil impact on rupee) అధిక స్థాయిలో ఉండటం కూడా రూపాయికి ప్రతికూలంగా మారింది. ఫారెక్స్ మార్కెట్లో డాలర్కు డిమాండ్ పెరగడం, విదేశీ నిధుల ప్రవాహం బలహీనపడటం వంటి అంశాలు రూపాయిపై అదనపు ఒత్తిడిని సృష్టిస్తున్నాయని మార్కెట్ వర్గాలు చెబుతున్నాయి. దీంతో డాలర్తో రూపాయి మారకం విలువ 96కు చేరువవుతుండటం మార్కెట్లో ఆసక్తికరంగా మారింది.
