విజయ్‌కి శుభాకాంక్షలు

తమిళనాడు డిప్యూటీ సీఎం ఉదయనిధి

చెన్నై, అక్టోబర్ 27: తమిళనాడు అగ్రహీరో విజయ్ దలపతి పొలిటికల్ ఎంట్రీ ఇస్తున్నారు. కొద్ది రోజుల క్రితం తన పార్టీ పేరును తమిళక వెట్రి కజగం(టీవీకే)గా ప్రకటిచండమే కాకుండా పార్టీ జెండాను కూడా ఆవిష్కరించారు. ఈ నేపథ్యంలోనే విజయ్ ఆదివారం మరో మహత్తర కార్యక్రమానికి శ్రీకారం చుట్టా రు. పార్టీకి సంబంధించి రాష్ట్ర స్థాయి కాన్ఫరెన్స్‌ను నిర్వహించేందుకు సిద్ధం అయ్యారు.

ఈ నేపథ్యంలో సినిమా రంగం వైపు నుంచి రాజకీయ రంగంలోకి అడుగుపెడుతున్న విజయ్‌కి తమిళనాడు డిప్యూటీ సీఎం ఉధయనిధి స్టాలిన్ సోషల్ మీడియా వేదికగా శుభాకాంక్షలు తెలిపారు. ‘విజయ్ నాకు చాలా సంవత్సరాలుగా మిత్రుడు. ఆయన నాకు చిన్నప్పటి నుంచి తెలుసు.

నూతన రంగంలో ఆయన విజయవంతం కావాలని మనస్ఫూర్తిగా కోరుకుంటున్నాను’ అని ఉధనిధి  స్టాలిన్ పేర్కొన్నారు. రాజకీయంలో పార్టీ సిద్ధాంతంతోపాటు ప్రజల అంగీకారం కీలక భూమిక పోషిస్తాయని ఆయన సూచించారు. తమిళనాడులోని విల్లుపురమ్ జిల్లా విక్రవండి ప్రాంతంలో జరిగే టీవీకే రాష్టస్థాయి సమావేశాన్ని రాష్ట్రంలోని అని రాజకీయ పార్టీలు నిశితంగా గమనిస్తున్నాయి.