ర్యాంకింగ్స్ ఆధారంగానే..

ఒలింపిక్స్‌కు భారత ఆర్చర్ల రికర్వ్ బృందం

అంటల్యా (టర్కీ): ప్రతిష్ఠాత్మక పారిస్ ఒలింపిక్స్‌కు భారత పురుషుల, మహిళల ఆర్చరీ రిక్వర్వ్ జట్లు అర్హత సాధించడంలో విఫలమయ్యాయి. అయితే ర్యాంకింగ్స్ ఆధారం గా భారత రికర్వ్ జట్లు ఒలింపిక్స్ బెర్తు దక్కించుకునే అవకాశం ఉంది. సోమవారం వరల్డ్ ఆర్చరీ అధికారికంగా ర్యాంకింగ్స్‌ను ప్రకటించనుంది. టర్కీ వేదికగా జరుగుతున్న ఆర్చరీ ప్రపంచకప్ స్టేజ్ భారత ఆర్చర్ల రికర్వ్ బృందం పతకం గెలవడంలో విఫలమైంది. మహిళల రికర్వ్ విభాగంలో భజన్ కౌర్, దీపికా కుమారి, అంకితతో కూడిన జట్టుసెమీస్‌లో వెనుదిరిగింది. ఇక పురుషుల రికర్వ్ విభాగంలో ధీరజ్, తరుణ్‌దీప్, ప్రవీణ్ బృం దం ప్రిక్వార్టర్స్‌కే పరిమితమైంది. రికర్వ్ విభాగంలో భారత పురుషుల జట్టు 2వ ర్యాంక్‌లో.. మహిళల జట్టు 8వ ర్యాంక్‌లో ఉన్నాయి.