స్వాతంత్య్ర సమరయోధుడు కేసీ గుప్తా జయంతి

ఇసామియా బజార్ ఆర్య వైశ్య సంఘం ఆధ్వర్యంలో నిర్వహణ

హైదరాబాద్, సెప్టెంబర్ 1(విజయక్రాంతి): ఈ కార్యక్రమానికి ముఖ్య అతిథులుగా సారబు లక్ష్మణ్, కూన వెంకట గోపాల్ కృష్ణ, ఆగిరి వెంకటేష్, ఎరుకుల రామకృష్ణ, కూర రఘువీర్, కొండ్లె మల్లికార్జున గుప్తా తదితరులు హాజరయ్యారు. కేసీ గుప్తా(KC Gupta) సేవా స్ఫూర్తిని కొనసాగిస్తూ, ఈ సందర్భంగా అనేక సంక్షేమ కార్యక్రమాలు(welfare activities) నిర్వహించారు.

అవసరమైన విద్యార్థులు(students), దృష్టి లోపం ఉన్నవారు మరియు అగ్ని ప్రమాద బాధితుల(fire accident victims)కు పుస్తకాలు, పాఠశాల యూనిఫారాలు, దుస్తులు, నిత్యావసర సరుకులు, పరికరాలు, ఆర్థిక సహాయం అందించారు. ఈ కార్యక్రమం ప్రాజెక్ట్ సలహాదారు కొమిరిశెట్టి అనిల్ కుమార్ మార్గదర్శకత్వంలో, సహ సలహాదారులు బెజ్గం శ్రీధర్,  ఆలంపల్లి రవి,గుండా విక్రమ్ సహకారంతో నిర్వహించారు.

ఈ సందర్భంగా ఆర్య వైశ్య సంఘం అధ్యక్షులు కల్వకుంట్ల శ్రీనివాస్, ప్రధాన కార్యదర్శి మహేష్ గాడే, కోశాధికారి కొక్కండ నిఖిలేశ్వర్ మాట్లాడుతూ కార్యక్రమాన్ని విజయవంతం చేసిన ప్రముఖులు, దాతలు, స్వచ్ఛంద కార్యకర్తలు, పాల్గొన్న ప్రతి ఒక్కరికీ కృతజ్ఞతలు తెలిపారు.