1. అధిక స్థానాలే లక్ష్యంగా వ్యూహాలు
2. ఎక్కడికక్కడ ఎంపీలు, ఎమ్మెల్యేలకే బాధ్యతలు
3. పార్టీ ముఖ్య నేతలను జిల్లా ఇన్‌చార్జ్‌లుగా నియామకం
4. అధికార పగ్గాలకు ఈ ఎన్నికలనే పూనాదిగా భావిస్తున్న అదినాయకత్వం

హైదరాబాద్, నవంబర్ 29 (విజయక్రాంతి): గ్రామపంచాయతీ ఎన్నికల పోరుకు బీజేపీ సమాయత్తమవుతోంది. రాష్ట్రంలో మిగతా పార్టీల పరిస్థితి ఎలా ఉన్నా.. ప్రస్తుత ఎన్నికలు భారతీయ జనతాపార్టీకి మాత్రం అగ్నిపరీక్షగా మారనున్నాయి. ఇలాంటి క్లిష్ట పరిస్థితుల్లో పంచాయతీల్లో పట్టు కోసం ఆ పార్టీ రాష్ట్ర నాయకత్వం హైకమాండ్ దిశా నిర్దేశంతో పకడ్బందీ వ్యూహా లు రచిస్తోంది.

ఎన్నికల్లో అధిక స్థానా లే లక్ష్యంగా ముందుకు సాగుతోంది. కాంగ్రెస్ పార్టీకి ప్రత్యామ్నాయంగా మొదటి నుంచీ చెప్పుకుంటున్న బీజేపీకి.. ఒకవేళ ఈ ఎన్నికల్లో ఆశించిన ఫలితాలు రాకపోతే పార్టీ పరిస్థితి మరింత దిగజారే ప్రమాదముంది. ఈక్రమంలోనే పార్టీ జాతీయ నాయకత్వం ఈ ఎన్నికలను సీరియస్‌గా తీసుకుంటోంది.

బాధ్యతలు వారిపైనే....

ఇటీవల బీజేపీ రాష్ట్ర నాయకత్వం పార్టీ ముఖ్య నేతలతో రెండు సార్లు సమావేశాలు నిర్వహిచింది. అన్ని స్థానాల్లో పోటీ చేయాలని నిర్ణయించింది. అధిక స్థానాల్లో విజ యం సాధించాలని దిశానిర్దేశం చేసింది. ఈ లోకల్ బాడీ ఎన్నికలు రానున్న అసెంబ్లీ ఎన్నికల్లో బీజేపీ అధికా రంలోకి రావడానికి బలమైన పునాదిగా మారాలని  ఈ ఫైట్‌లో పట్టునిలుపుకొని కాంగ్రెస్, బీఆర్‌ఎస్ పార్టీలకు సవాల్ విసిరేలా ప్లాన్ చేస్తోంది.

ఈక్రమంలోనే ఎన్నికల బాధ్యతలను స్థానిక ఎంపీలు, ఎమ్మెల్యేలు, ఎమ్మె ల్సీలు, మాజీ ప్రజాప్రతిని ధులతోపాటు పార్టీ ము ఖ్య నాయకులకు అప్పగించింది. ఎక్కడికక్కడ అన్నట్లుగా బాధ్యతలను కట్టబెట్టి మెజార్టీ స్థానాలను గెలుచుకునేలా వ్యూహాలకు పదును పెడుతోంది. . ఈ క్రమంలోనే 38 జిల్లాలకు ఇన్‌చార్జ్‌లను శనివారం సాయం త్రం బీజేపీ రాష్ట్ర నాయకత్వం ప్రకటించింది.

ఇందులో మాజీ ఎంపీలు, ఎమ్మెల్యేలతోపాటు బీజేపీ కీలక నాయకులున్నారు. వీరికి జిల్లా ఇన్‌చార్జ్ బాధ్యతలను పార్టీ అప్పగించి నా... ఆయా జిల్లాల్లో ఎక్కు వ స్థానాలు చేజిక్కించుకునే బాధ్యత లు మాత్రం ఎంపీలు, ఎమ్మెల్యేలు, ఎమ్మెల్సీలపైనే పెట్టినట్లుగా తెలిసింది. 

సరికొత్తగా ప్రచారాస్త్రాలు 

ఈ ఎన్నికల్లో బీజేపీ ప్రచారాస్త్రాలను సరికొత్తగా ఎక్కుపెట్టనుంది. గత బీఆర్‌ఎస్ ప్రభుత్వం, ప్రస్తుత కాంగ్రెస్ ప్రభుత్వం వైఫల్యాలతోపాటు, కేంద్రం చేపట్టే సంక్షేమ కార్యక్రమాలు, మోదీ పరిపాలనే ప్రచార అం శాలను ప్రజల్లోకి  తీసుకెళ్లనుంది.  రాష్ట్రంలో గత పదేండ్ల బీఆర్‌ఎస్ పాలనలో గ్రామ పంచాయతీలను పూర్తిగా నిర్వీర్యం చేశారని ఆ పార్టీని ఇరుకున పెట్టే ప్రయత్నం చేయనుంది.

గత ప్రభుత్వం గ్రామ పంచాయతీల అభివృద్ధికి నిధులు విడుదల చేయకపోవడంతోనే సర్పంచ్‌లు ఆత్మహత్యలు చేసుకున్న పరిస్థితులను క్షేత్రస్థాయి లో వివరించాలని అనుకుంటుంది. ఇక కాంగ్రెస్‌పై ఆరు గ్యారెంటీలు, 420 హామీలని, బీసీ రిజర్వేషన్ల అమలు అంతా బూటకమని, గత రెండేండ్లుగా పంచాయతీలకు ఒక్క రూపా యి కూడా విడుదల చేయలేదని ప్రజలకు చెప్పే ప్రయత్నం చేయనుంది.

ఇవేకాకుండా గ్రామాల అభివృద్ధికి అసలు నిధులిస్తుందే కేంద్ర ప్రభుత్వమని, ఆ నిధుల కోసమే కాంగ్రెస్ ప్రభు త్వం లోకల్ బాడీ ఎన్నికలను నిర్వహిస్తోందని చెప్పనుంది. ఈ అంశాలన్నింటినీ బలంగా ప్రజల్లోకి  తీసుకెళ్లి  రాబోయే ఎన్నికల్లోనూ పాగా వేయాలని బీజేపీ వ్యూహాలను రచిస్తోంది. 

జిల్లాలకు బీజేపీ ఇన్‌చార్జ్‌లు

1. ప్రకటించిన పార్టీ రాష్ట్ర నాయకత్వం
2. 38 మందితో జాబితా విడుదల

హైదరాబాద్, నవంబర్ 29 (విజయక్రాంతి): లోకల్ బాడీ ఎన్నికల నేపథ్యంలో జిల్లాలకు ఇన్‌చార్జ్‌లను బీజేపీ రాష్ట్ర నాయకత్వం నియమించింది. ఈ మేరకు బీజేపీ రాష్ట్ర అధ్యక్షుడు ఎన్.రాంచందర్ రావు ఆదేశాలతో పార్టీ జనలర్ సెక్రటరీ ఎన్.గౌతంరావు 38 మందితో జాబితాను శనివారం విడుదల చేశారు. బీజేపీ పరంగా రాష్ట్రాన్ని 38 జిల్లాలుగా విభజించి, ఆయా జిల్లాలకు ఇన్‌చార్జ్ బాధ్యతలను నేతలకు అప్పగించింది.

ఆదిలాబాద్ మంచిర్యాల నిర్మల్ శ్రవంతిరెడ్డి, కొమురంభీం ఆసిఫా బాద్ ఆంజనేయులు, నిజామాబాద్ కాంతారావు, కామారెడ్డి కరీంనగర్ శాంతికుమారి, జగిత్యాల్ శ్రీనివాస్, పెద్దపల్లి రాజమౌ ళిగౌడ్, రాజన్నసిరిసిల్లా మోహన్‌రెడ్డి, సంగారెడ్డి మెదక్ నర్సింహారెడ్డి, సిద్దిపేట సంగప్ప, రంగారెడ్డి అర్బన్ భాస్కర్, రంగారెడ్డి రూరల్ రఘునాథ్‌రావును ఇన్‌చార్జ్‌లుగా బీజేపీ నియమించింది.

వికారాబాద్ సుధాకర్‌రావు, మేడ్చల్‌అర్బన్ మేడ్చల్ రూరల్  రంగారెడ్డి, నల్లగొండ సూర్యాపేట రవికుమార్, యాదాద్రిభువనగిరి శ్రీవర్ధన్‌రెడ్డి, మహబూబ్‌నగర్ మోహన్, వనపర్తి,బొక్క బాల్‌రెడ్డి, నాగర్‌కర్నూల్ జోగులాంబ గద్వాల నారాయణపేట కార్తికరెడ్డి, హనుమకొం డ నర్సయ్యగౌడ్‌ను ఎంపిక చేసింది.

వరంగల్ శ్రీధర్‌రెడ్డి, జయశంకర్‌భూపాల్‌పల్లి జనగామ సుధాకర్‌రెడ్డి, మహబూబాబాద్ జే గోపి(కళ్యాణ్ నాయక్), ములుగు కొరడాల నరేష్, ఖమ్మం బద్దం మహిపాల్‌రెడ్డి, భద్రాద్రి కొత్తగూడెం విజయ్ చంద్రారెడ్డి, గోల్కొండ భాగ్యనగర్ రంగారెడ్డి, మహాంకాళి సికింద్రా బాద్ దివాకర్, హైదరాబాద్ సెంట్రల్ చంద్రశేఖర్‌ను ఇన్‌చార్జ్‌లుగా బీజేపీ ప్రకటించింది.