వీధి కుక్కల దాడి.. మృత్యువుతో పోరాడి— 15 రోజుల తర్వాత బాలుడు మృతి

హైదరాబాద్: తెలంగాణలోని రాజన్న సిరిసిల్ల జిల్లాలో వీధి కుక్కల దాడికి గురైన పదిహేను రోజుల తర్వాత, ఏడేళ్ల బాలుడు మృత్యువుతో పోరాడి బుధవారం రాత్రి తన గాయాల కారణంగా మరణించాడు. ఏప్రిల్ 1న, ఆదిత్యగా గుర్తించబడిన బాధితుడు తన ఇంటి ముందు ఒంటరిగా ఆడుకుంటుండగా వీధి కుక్కల గుంపు అకస్మాత్తుగా అతని వైపు దూసుకొచ్చింది. అతను తప్పించుకోవడానికి ప్రయత్నిస్తుండగా, కుక్కలు అతన్ని వెంబడించడం ప్రారంభించాయని, అయితే అతను కాలు జారి కిందపడటంతో తీవ్ర గాయానికి గురయ్యాడు.  కిందపడటం వల్ల తల లోపల గాయం ఏర్పడి, మెదడులో రక్తం గడ్డకట్టింది. వీధి కుక్కలు ఆదిత్య కాలుపై కూడా దారుణంగా దాడి చేయడంతో, అతని పరిస్థితి విషమంగా మారింది.

హైదరాబాద్‌లోని ఒక ప్రైవేట్ ఆసుపత్రిలో పదిహేను రోజులుగా ఇంటెన్సివ్ కేర్‌లో బాలుడు ప్రాణాలతో పోరాడుతూ చికిత్స పొందుతున్నాడు. అయితే, గత రెండు రోజులుగా అతని పరిస్థితి విషమించడంతో  మరణించినట్లు వైద్యులు ప్రకటించారు. తంగళ్ళపల్లి మండలానికి చెందిన అతని తల్లిదండ్రులు మహేష్, సంగీత, తమ బిడ్డ మరణంతో దుఃఖాన్ని ఆపుకోలేక కుమిలిపోయారు. వైద్య చికిత్స కోసం రూ. 10 లక్షలు ఖర్చు చేసినప్పటికీ, ఆ బిడ్డను కాపాడలేకపోయామన్నారు. బాలుడి మరణంతో ఆ ప్రాంతంలో తీవ్ర విషాద ఛాయలు అలుముకున్నాయి.  ఆ బాలుడి తల్లిదండ్రులు దుఃఖాన్ని ఆపుకోలేక విలపించారు. వారి హృదయవిదారక రోదనలు స్థానిక ప్రజలను తీవ్రంగా కదిలించాయి. ఆ ప్రాంతంలో అదుపు లేకుండా పెరిగిపోతున్న కుక్కల బెడదపై స్థానికులు ఎప్పటి నుంచో ఫిర్యాదులు చేస్తూనే ఉన్నట్లు స్థానికులు ఆరోపించారు.