బుద్ధ అమర్‌నాథ్ యాత్ర ప్రారంభం

పూంచ్: జమ్మూ కాశ్మీర్‌లోని పూంచ్ జిల్లాలో ఉన్న పురాతన బుద్ధ అమర్‌నాథ్ పుణ్యక్షేత్రానికి వార్షిక యాత్ర(Budha Amarnath Yatra begins) సోమవారం ప్రారంభమైంది. కట్టుదిట్టమైన భద్రతా ఏర్పాట్ల మధ్య, మతపరమైన ఉత్సాహంతో జమ్మూ నుంచి యాత్రికుల మొదటి బృందాన్ని లెఫ్టినెంట్ గవర్నర్ మనోజ్ సిన్హా జెండా ఊపి ప్రారంభించారు. పూజ నిర్వహించిన అనంతరం, పూంచ్ వరకు 230 కిలోమీటర్ల ప్రయాణం కోసం భగవతీ నగర్ యాత్రీ నివాస్ నుంచి యాత్రికుల బృందాన్ని సిన్హా ఉదయం సుమారు 6:30 గంటలకు జెండా ఊపి ప్రారంభించారని అధికారులు తెలిపారు. మండి తహసీల్‌లోని రాజ్‌పురాలోని బాబా బుధ అమర్‌నాథ్ ఆలయానికి 12 రోజుల యాత్ర ఆగస్టు 28 వరకు కొనసాగుతుంది. రక్షా బంధన్ రోజున ముగుస్తుందని అధికారులు తెలిపారు.