రాష్ట్ర ప్రభుత్వ సలహాదారు షబ్బీర్ అలీ

కామారెడ్డి, నవంబర్ 30 (విజయ క్రాంతి): స్థానిక సంస్థల ఎన్నికల్లో కాంగ్రెస్ పార్టీ బలపరిచిన అభ్యర్థులను గెలిపించాలని రాష్ట్ర ప్రభుత్వ సలహాదారు షబ్బీర్ అలీ అన్నారు. కామారెడ్డి జిల్లా భిక్నూర్ మండల కేంద్రానికి చెందిన ఎన్‌ఆర్‌ఐ జ్ఞానప్రకాష్ రెడ్డి, ఎమ్మార్పీఎస్ రాష్ట్ర కార్యదర్శి శంకర్, బి ఆర్ ఎస్ పార్టీ ఎస్ సి సెల్ పట్టణ అధ్యక్షులు డప్పు రవి, సొసైటీ డైరెక్టర్ డప్పు జ్యోతి, ఎం ఆర్ పి ఎస్ నాయకుడు సుధాకర్, బిఆర్.ఎస్ సీనియర్ నాయకుడు సొసైటీ డైరెక్టర్ ఉప్పరి సాయిలు, పార్టీ ప్రాధమిక సభ్యత్వలకు రాజీనామా చేసి రాష్ట్ర ప్రభుత్వ సలహాదారులు  షబ్బీర్ అలీ  ఆధ్వర్యంలో ఆదివారం కాంగ్రెస్ పార్టీలో చేరారు.

కాంగ్రెస్ పార్టీలో చేరిన వారికీ షబ్బీర్ అలీ  కాంగ్రెస్ పార్టీ కండువా కప్పి పార్టీలోకి ఆహ్వానించారు. రాబోయే స్థానిక సంస్థల ఎన్నికల్లో కాంగ్రెస్ పార్టీ బలపరిచిన అభ్యర్థిని గెలిపించుకుంటామని వారు చెప్పారు. ఈ కార్యక్రమంలో భిక్నూర్ మండల కాంగ్రెస్ పార్టీ అధ్యక్షులు బీంరెడ్డి, టీపీసీసీ రాష్ట్ర ప్రధాన కార్యదర్శి బద్దం ఇంద్రకరణ్ రెడ్డి, జిల్లా గ్రంధాలయ చైర్మన్ మద్ది చంద్రకాంత్ రెడ్డి, పట్టణ అధ్యక్షులు అందే దయాకర్ రెడ్డి, సిద్దరామేశ్వర ఆలయ కమిటీ చైర్మన్ లింబాద్రి, బ్లాక్ కాంగ్రెస్ అధ్యక్షులు బల్యాల సుదర్శన్, మహిళా కాంగ్రెస్ అధ్యక్షురాలు బల్యాల రేఖ పాల్గొన్నారు.