భువనేశ్వర్: ఒడిశాలోని జాజ్‌పూర్ జిల్లాలో జఖపురా రైల్వే స్టేషన్ సమీపంలో గురువారం చెన్నై సెంట్రల్ ఎక్స్‌ప్రెస్ రైలుకు(Chennai Central Express train derails) చెందిన మూడు బోగీలు పట్టాలు తప్పాయని రైల్వే పోలీసులు తెలిపారు. ఉదయం 8.51 గంటలకు జరిగిన ఈ ఘటనలో ఎలాంటి గాయాలు లేదా ప్రాణనష్టం జరగలేదని పోలీసులు చెప్పారు.

చెన్నై నుండి పశ్చిమ బెంగాల్‌లోని(Chennai to West Bengal) న్యూ జల్పాయ్‌గురికి వెళ్తున్న రైలుకు చెందిన ఒక ఏసీ కోచ్, రెండు జనరల్ కోచ్‌లు పట్టాలు తప్పాయని రైల్వే అధికారి వెల్లడించారు. పరిస్థితిని సమీక్షించడానికి భద్రక్ నుండి ఒక సహాయక, పునరుద్ధరణ బృందాన్ని వెంటనే పట్టాలు తప్పిన ప్రదేశానికి పంపినట్లు వెల్లడించారు. ప్రభావిత ప్రయాణికులకు తగిన వసతి కల్పిస్తున్నామని, అయితే పట్టాలు తప్పడానికి గల కారణం ఇంకా తెలియాల్సి ఉందని పోలీసులు పేర్కొన్నారు.