- ముఖ్యమంత్రి పర్యటన ఏర్పాట్ల సమీక్షలో రాష్ట్ర వ్యవసాయ మార్కెటింగ్, సహకార, చేనేత శాఖ మంత్రి తుమ్మల నాగేశ్వరరావు

భద్రాద్రి కొత్తగూడెం నవంబర్ 30, (విజయక్రాంతి):చారిత్రాత్మక ఎర్త్ సైన్స్ ఇన్సిటి ప్రారంభోత్సవానికి సమకరం ఏర్పాట్లు చేయాలని, అధికారులు క్రమశిక్షణతో బాధ్యతాయుతంగా వ్యవహరించాలని రాష్ట్ర వ్యవ సాయ శాఖ మార్కెటింగ్ శాఖ మంత్రి తు మ్మల నాగేశ్వరరావు అధికారులను ఆదేశించారు. డిసెంబర్ 2న భద్రాద్రి కొత్తగూడెం జిల్లాలో ఏర్పాటు చేసిన డాక్టర్ మన్మోహన్ సింగ్ ఎర్త్ సైన్స్ యూనివర్సిటీ ప్రారంభోత్సవా నికి రాష్ట్ర ముఖ్యమంత్రి ఎనుముల రే వంత్ రెడ్డి విచ్చేయనున్న సందర్భంలో, ఏ ర్పాట్లను ఆయన ఆదివారం సమగ్రంగా పరిశీలించారు.

ఈ పరిశీలన కార్యక్రమంలో కొ త్తగూడెం శాసనసభ్యులు కూనంనేని సాంబశివరావు, అశ్వరావుపేట శాసనసభ్యులు జా రే ఆదినారాయణ, పినపాక శాసనసభ్యులు పాయం వెంకటేశ్వర్లు, జిల్లా కలెక్టర్ జితేష్ వి. పాటిల్, జిల్లా ఎస్పీ రోహిత్ రాజు, రా హుల్ తదితర అధికారులు పాల్గొన్నారు. మంత్రి తుమ్మల నాగేశ్వరరావు ముందుగా శిలాఫలకం ఏర్పాట్లను పరిశీలించి పలు సూచనలు చేశారు. అనంతరం యూనివర్సిటీ ప్రాంగణాన్ని పర్యవేక్షించి, జరుగుతు న్న పనుల పురోగతిని వివరంగా తెలుసుకున్నారు.

సభాస్థలాన్ని సందర్శించిన మంత్రి అక్కడ జరుగుతున్న ఏర్పాట్లపై అధికారుల నుండి వివరాలు తెలుసుకొని సూచనలు ఇచ్చారు. తరువాత యూనివర్సిటీ ఆడిటోరియంలో నిర్వహించిన సమీక్షా సమావేశం లో పాల్గొని ఏర్పాట్లను సమీక్షించారు.ప త్రికా సమావేశంలో మంత్రి మాట్లాడుతూ, భూగోళ శాస్త్రాలు, సహజ వనరులు, ఖనిజ పరిశోధనలకు ప్రధాన కేంద్రంగా నిలిచే వి ధంగా దేశంలోనే ప్రత్యేకత కలిగిన ఎర్త్ సైన్స్ యూనివర్సిటీని తెలంగాణ ప్రభుత్వం అభివృద్ధి చేస్తోందని తెలిపారు. గతంలో సింగరే ణి నిర్వహించిన ‘స్కూల్ ఆఫ్ మైన్స్’ అనుభవాన్ని గుర్తుచేస్తూ, జిల్లాలో ప్రభుత్వ ఇంజ నీరింగ్ కాలేజీ స్థాపనకు చేసిన కృషి గురించి వివరించారు.

ఉమ్మడి ఖమ్మం జిల్లాలో విశ్వవిద్యాలయం లేమి నేపథ్యంలో ప్రత్యేక యూనివర్సిటీ అవసరాన్ని ముఖ్యమంత్రి రేవంత్ రెడ్డి గుర్తించి వెంటనే ఆమోదం తెలపడంతో ఈ ప్రాజెక్ట్ రూపుదిద్దుకుందని చె ప్పారు. కలెక్టర్ జితేష్ వి. పాటిల్ సూచనలతో రూపొందించిన ప్రతిపాదనను ప్రభు త్వం నిపుణులతో ఆరు నెలలపాటు పరిశీలించి, సాధ్యతా నివేదిక ఆధారంగా అసెంబ్లీలో ప్రకటించిందని మం త్రి వివరించారు. ‘ఖనిజ సంపదలకు పుట్టినిల్లు’గా పేరుగాంచిన కొత్తగూడెం జిల్లా, అరుదైన ఖనిజ సంపద లభ్యమయ్యే ప్రాం తంగా ఉండడంతో ఎర్త్ సైన్స్ యూనివర్సిటీ స్థాపనకు అత్యుత్తమ ప్రదేశమైందని మంత్రి తెలిపారు.

దేశ ఆర్థిక సంస్కరణలకు మార్గదర్శకుడైన, పదేళ్లు భారత ప్రధానిగా పనిచేసిన డాక్టర్ మన్మోహన్ సింగ్ గారి సేవలను గౌరవిస్తూ యూనివర్సిటీకి ఆయన పేరు పెట్టాల ని ముఖ్యమంత్రి నిర్ణయించారని, మంత్రివర్గం , అసెంబ్లీ దీనిని ఆమోదించాయని వివరించారు. జాతీయ రహదారి పక్కనే అభివృద్ధి చెందుతున్న ఈ యూనివర్సిటీ భవి ష్యత్తులో ప్రపంచ స్థాయి పరిశోధనా సం స్థగా నిలవనున్నదని అన్నారు.పాల్వంచలో గడువు పూ ర్తి చేసిన విద్యుత్ పతి కేంద్రాలను తొలగించి, ఆధునిక సాంకేతిక పరి జ్ఞానంతో కొత్త ప ర్యావరణహిత విద్యుత్ ఉత్పత్తి కేంద్రాల ని ర్మాణానికి ముఖ్యమంత్రి ఆమోదం తెలిపినట్లు తెలిపారు.

అలాగే కొత్తగూడెం బైపాస్ రహదారి కోసం రూ 420 కోట్లతో జాతీయ రహదారి నిర్మాణానికి కేం ద్ర ప్రభుత్వాన్ని ఒప్పించారని పేర్కొన్నారు. మెడికల్ కాలేజీలో హాస్టల్ సదుపాయాల అభివృద్ధికి సం బంధించిన ప్రతిపాదనలను ముఖ్యమంత్రి దృష్టికి తీసుకెళ్లి త్వరలో మంజూరు పొందనున్నట్లు తెలిపారు.సీతారామ ప్రాజెక్ట్లో భాగంగా డిస్ట్రిబ్యూటర్ కెనా ల్స్ నిర్మాణానికి అవసరమైనరూ 3,400 కోట్ల నిధులు ము ఖ్యమంత్రి ఆమోదించినట్లు వెల్లడించారు. పినపాక, మరెళ్లపాడు, తుమ్మలచెరువు , సిం గం భూపాలం, అశ్వరావుపేట, అన్నదైవంపాడు, ముకమామిడి అభివృద్ధితోపాటు డి స్ట్రిబ్యూటర్ కెనాల్ భూసేకరణకు నిధులు కే టాయించనున్నట్లు తెలిపారు.

దీని ద్వారా వై రా, సత్తుపల్లి, మధిర, అశ్వరావుపేట, కొత్తగూడెం, పినపాక నియోజకవర్గాలకు గోదా వరి జలాలు అందనున్నాయని చెప్పారు. కొత్తగూడెంఇల్లందు హైదరాబాద్ రహదారి నిర్మాణానికి ఆమోదం లభించగా పనులు ప్రారంభించబడ్డాయని మంత్రి తెలిపారు.భద్రాచలం మణుగూరు ఏటూరునాగారం చౌటాల రహదారి నిర్మాణం కోసం అటవీ శాఖ రెండు లైన్ల రహదారికి అనుమతులు మంజూరు చేసినట్లు తెలిపారు పనులు పురోగతిగా ఉన్నాయని తెలిపారు . ఖమ్మం కేంద్రంగా సూర్యాపేటరాజమహేంద్రవరంనాగపూర్‌అమరావతి రహదారులు పూర్తి కానున్నాయని, ఖమ్మంభద్రాద్రి జిల్లాల అభివృద్ధి కోసం రింగురోడ్లు కూడా ఆమోదిం చబడ్డాయని వివరించారు.

ఉమ్మడి జిల్లా అ భివృద్ధిలో భాగంగా రహదారులు, నీటిపారుదల విద్యుత్ రంగాలలో అనేక కార్యక్రమా లు చేపడుతున్నట్టు మంత్రి వెల్లడించారు.ఈ సందర్భంగా కొత్తగూడెం శాసనసభ్యులు కూనంనేని సాంబశివరావు మాట్లాడుతూ, పాల్వంచ పునర్జీవనంలో భాగంగా విద్యుత్ ఉపకేంద్రాల మంజూరు ప్రజల్లో సంతోషా న్ని కలిగించిందని తెలిపారు. కొత్తగూడెం ప ట్టణంలో సింగరేణి సహకారంతో నూతన బ స్టాండ్ నిర్మించేందుకు, పాల్వంచలో జెన్కో సహకారంతో ఆధునిక బస్టాండ్ ఏర్పాటుకు కృషి చేస్తున్నట్లు తెలిపారు.

నియోజకవర్గ అ భివృద్ధిని ప్రతిబింబించేలా అన్ని సౌకర్యాలతో బస్టాండ్ నిర్మాణానికి చర్యలు చేపడుతున్నామని పేర్కొన్నారు.విద్యార్థుల భవిష్య త్తును దృష్టిలో ఉంచుకుని, కొత్తగూడెం జిల్లాలో డాక్టర్ మన్మోహన్ సింగ్ ఎర్త్ సైన్స్ యూనివర్సిటీ స్థాపన గర్వకారణమని ఎమ్మె ల్యే తెలిపారు. డిసెంబర్ 2న జరిగే యూనివర్సిటీ ప్రారంభోత్సవ కార్యక్రమాన్ని విజ యవంతం చేయాలని ప్రజలకు పిలుపునిచ్చారు.తరువాత ముఖ్యమంత్రి పర్యటన ఏ ర్పాట్లపై జిల్లాస్థాయి సమీక్ష సమావేశం నిర్వహించారు. 

ఈ సందర్భంగా జిల్లా కలెక్టర్ జితేష్ వి. పాటిల్ అన్ని శాఖల వారీగా చేపడుతున్న పనుల పురోగతిని, బాధ్యతల అప్పగింపును మంత్రి కి వివరించారు. జిల్లా ఎస్పీ రోహిత్ రాజు ముఖ్యమంత్రి పర్యటనకు చేపడుతున్న భద్రతా చర్యలు, ఏర్పాట్లను వివ రించారు. శాఖల ఆధ్వర్యంలో జరుగుతున్న ఏర్పాట్లను మం త్రి వ్యక్తిగతంగా అడిగి తెలుసుకున్నారు.ఈ సందర్భంగా మంత్రి మా ట్లాడు తూ, భూ పరిశోధనల వంటి రంగాల్లో దేశస్థాయిలో వి ద్యార్థులకు ఉపయోగపడే ఈ చారిత్రాత్మక కార్యక్రమంలో అధికారులు అత్యంత క్రమశిక్షణతో తమ బాధ్యతలను నిర్వర్తించాలన్నారు.

ముఖ్యమంత్రి పర్యటనలో ఎటువంటి లోటుపాట్లకు అవకాశం లేకుండా అవసరమైన అన్ని ఏర్పాట్లను సమగ్రంగా పూర్తి చే యాలని స్పష్టమైన ఆదేశాలు జారీ చేశారు. పర్యటన సజావుగా సాగేందుకు ప్రతి శాఖ సమన్వయంతో పనిచేయాలని సూచించారు.ఈ సమావేశంలో పినపాక శాసనసభ్యులు పాయం వెంకటేశ్వర్లు, అశ్వరావుపేట శాసనసభ్యులు జారే ఆదినారాయణ మాట్లాడుతూ ముఖ్యమం త్రి పర్యటనను ప్రజల ప్రతిష్ఠకు తగిన విధం గా అత్యుత్తమంగా నిర్వహించేందుకు అంద రూ కలిసి పనిచేయాలని కోరారు. పర్యటన విజయవంతం చెయ్యాలని అన్నారు. కార్యక్రమంలో అదనపు కలె క్టర్ డి వేణుగోపాల్, స్థానిక సంస్థల అదనపు కలెక్టర్ విద్యా చందన, కొత్తగూడెం ఆర్డీవో మధు అన్ని శాఖల అధికారులు పాల్గొన్నారు.