1. ఉత్తరాది రైతులపై ఉన్న ప్రేమ.. తెలంగాణ రైతులపై బీజేపీకి లేదు
2. గ్రామాల్లోకి వచ్చే కాంగ్రెస్, బీజేపీ నాయకులను నిలదీయండి
3. మాజీ మంత్రి హరీశ్‌రావు

హైదరాబాద్, నవంబర్ 30 (విజయక్రాంతి): పాలమూరు గడ్డపై ఎగిరేది గులాబీ జెండానే అని మాజీ మంత్రి హరీశ్‌రావు స్పష్టంచేశారు. కాంగ్రెస్, బీజేపీలు తోడు దొంగలు అని, రాష్ర్ట ప్రయోజనాలను కాపాడటంలో కాంగ్రెస్ ప్రభుత్వం పూర్తిగా చే తులెత్తేసిందని మండిపడ్డారు. 8 మంది బీజేపీ ఎంపీలు ఉన్నా రాష్ట్రానికి ఒక్క మెడికల్ కాలేజీ తేలేకపోయారని, పక్క రాష్ట్రాలకు వేల కోట్లు ఇస్తుంటే మనకు గుండు సున్నా మిగిల్చారని ఆవేదన వ్యక్తంచేశారు.

నాగర్‌కర్నూల్ జిల్లా కల్వకుర్తి నియోజకవర్గం ముద్విన్ గ్రామానికి చెందిన బీజేపీ కీలక నాయకులు మూకుమ్మడిగా ఆ పార్టీకి రాజీనామా చేసి మాజీ ఎమ్మెల్యే జైపాల్ యాదవ్ ఆధ్వర్యంలో ఆదివారం హైదరాబాద్‌లోని హరీశ్‌రావు నివాసంలో బీఆర్‌ఎస్‌లో చేరారు. ఈ సందర్భంగా హరీశ్‌రావు మాట్లాడుతూ.. కేంద్రం మనకు చేస్తున్న అన్యా యాన్ని ప్రశ్నించడంలో, రాష్ర్ట హక్కులను కాపాడటంలో సీఎం రేవంత్‌రెడ్డి, కాంగ్రెస్ పార్టీ పూర్తిగా విఫలమయ్యారని ఆరోపించారు.

గల్లీలో కుస్తీ.. ఢిల్లీ లో దోస్తీ అన్నట్టుగా వీరి వ్యవహారం ఉందని విమర్శించారు. హామీలు అమలు చేయకపోగా, ప్రజలకే కాంగ్రెస్ ప్రభుత్వం బాకీ పడిందని తెలిపారు. స్థానిక సంస్థల ఎన్నికల్లో ఓట్ల కోసం వచ్చే కాంగ్రెస్ నాయకులను.. మా బాకీ పైసలు ఎప్పుడిస్తారు అని ప్రజలు నిలదీయాలని పిలుపునిచ్చారు. కేసీఆర్ హయాంలో కళకళలాడిన కల్వకుర్తి, హైదరాబాద్ పరిసర ప్రాంతాలు.. నేడు రేవంత్‌రెడ్డి అనాలోచిత నిర్ణయాలతో వెలవెలబోతున్నాయని అన్నారు.

రియల్ ఎస్టేట్ రంగాన్ని కుదేలు చేసి, సా మాన్యుడి ఆస్తి విలువను పాతాళానికి తొక్కేశారని ఆందోళన వ్యక్తంచేశారు. తె లంగాణ అస్తిత్వం నిలబడాలన్నా, అభివృద్ధి పరుగు లు పెట్టాలన్నా అది కేవలం కేసీఆర్ నాయకత్వంతోనే సాధ్యమని స్పష్టంచేశారు. కష్టకాలంలో ప్రజల కు అండగా నిలిచే ఏకైక నాయకుడు కేసీఆర్ అని, ఉ మ్మడి మహబూబ్‌నగర్ జిల్లాలో బీఆర్‌ఎస్ బలంగా ఉందని వెల్లడించారు. జైపాల్ యా దవ్ నేతృత్వంలో కల్వకుర్తిలో మళ్లీ గులాబీ జెండా ఎగురు తుందని, స్థానికంలోనూ క్లీన్ స్వీప్ చేస్తామన్నారు.