భువనగిరి గడ్డపై కాంగ్రెస్ జెండా ఎగరేయాలి

ఎమ్మెల్యే కోమటిరెడ్డి రాజగోపాల్ రెడ్డి

మునుగోడు, మే 11: భువనగిరి పార్లమెంట్ గడ్డపై కాంగ్రెస్ జెండా ఎగుర వేసేందుకు కార్యకర్తలు సైనికుల్లా పని చేయాలని మునుగోడు ఎమ్మెల్యే కోమటిరెడ్డి రాజగోపాల్ రెడ్డి కోరారు. శనివా రం మునుగోడులో భువనగిరి కాంగ్రెస్ అభ్యర్థి చామల కిరణ్ కుమార్ రెడ్డితో కలిసి ప్రచారం నిర్వహించారు. వ్యాపారులు, ప్రజలను కలిసి ఓట్లు అభ్యర్థిం చారు. కాంగ్రెస్ అధిష్టానం తనపై నమ్మకంతో భువనగిరి పార్లమెంట్ ఇన్‌చార్జ్ బాధ్యతలు అప్పగించిందని, అన్ని నియోజకవర్గాల కంటే మునుగోడులో అధిక మెజార్టీ ఇవ్వాలని కోరారు. ప్రచారంలో సీపీఐ జిల్లా కార్యదర్శి నెల్లికంటి సత్యం, కాంగ్రెస్ రాష్ట్ర ప్రధాన కార్యదర్శి పున్న కైలాష్ నేత, కాంగ్రెస్ రాష్ట్ర నాయకులు నారబోయిన రవి ముదిరాజ్, వేంరెడ్డి సురేందర్ రెడ్డి, మండల అధ్యక్షుడు భీమనపల్లి సైదులు, నాయకులు పాల్గొన్నారు.