సిపిఐ బహిరంగ సభను విజయవంతం చేయాలి

సిపిఐ మండల కార్యదర్శి తొట్ల ప్రభాకర్ 

​నూతనకల్,(విజయక్రాంతి): సిపిఐ శత వసంతాల ఉత్సవాల సందర్భంగా ఖమ్మంలో నిర్వహిస్తున్న భారీ బహిరంగ సభకు వేలాదిగా తరలివచ్చి విజయవంతం చేయాలని సిపిఐ మండల కార్యదర్శి తొట్ల ప్రభాకర్ గౌడ్ కోరారు.శనివారం మండల కేంద్రంలో సిపిఐ పార్టీ ఆధ్వర్యంలో 'బహిరంగ సభ' కరపత్రాన్ని ఆవిష్కరించారు.​ ఈ సందర్భంగా ఆయన మాట్లాడుతూ.. 1925 డిసెంబర్ 26న ఉత్తరప్రదేశ్ రాష్ట్రం కాన్పూర్ లో ఆవిర్భవించిన సిపిఐ, నిత్యం ప్రజా సమస్యల పరిష్కారం కోసం పోరాడుతూనే ఉందన్నారు.

శతవసంతాలు పూర్తయిన సందర్భంగా ఈ నెల 18న భారీ బహిరంగ సభ నిర్వహిస్తున్నట్లు ఆయన తెలిపారు.​ఈ సభకు సిపిఐ జాతీయ స్థాయి నాయకులతో పాటు కమ్యూనిస్టు దేశాల ప్రతినిధులు, వామపక్ష నాయకులు పాల్గొంటున్నారని.. కావున మేధావులు, యువతీ యువకులు, అన్ని వర్గాల ప్రజలు అధిక సంఖ్యలో పాల్గొని జయప్రదం చేయాలని కోరారు. ఈ కార్యక్రమంలో వెంకట్ రెడ్డి, నరేష్, వెంకట్ గిరి, పద్మ, చైతన్య, మల్సూరు తదితరులు పాల్గొన్నారు.