పేశ్వర్: వాయువ్య పాకిస్థాన్‌లోని ఒక నివాస ప్రాంతంలోకి ఒక క్వాడ్‌కాప్టర్ డ్రోన్ కూలిపోవడంతో(Drone Crash) కనీసం ముగ్గురు పిల్లలు మరణించగా, మరొకరికి గాయాలయ్యాయని పోలీసులు తెలిపారు. ప్రాథమిక నివేదికల ప్రకారం, ఈ ఘటన ఖైబర్ పఖ్తూన్‌ఖ్వాలోని బన్నూ జిల్లాలో ఉన్న ముమండ్ ఖేల్ ప్రాంతంలో జరిగింది. శనివారం రాత్రి ఒక జనావాస ప్రాంతంలోకి డ్రోన్ కూలిపోవడంతో, పిల్లలు ప్రాణాలు కోల్పోయారు.

ఈ ఘటన జరిగిన వెంటనే స్థానికులు సహాయక చర్యలు చేపట్టి, గాయపడిన చిన్నారిని, మృతదేహాలను సమీపంలోని ఆసుపత్రికి తరలించారు. ఈ ఘటన జరిగిన వెంటనే సహాయక, భద్రతా సిబ్బంది కూడా సంఘటనా స్థలానికి చేరుకున్నారు. గాయపడిన చిన్నారికి ప్రాణాపాయం లేదని ఆసుపత్రి అధికారులు ధృవీకరించగా, ముగ్గురు పిల్లల మృతదేహాలను ఆసుపత్రి మార్చురీలో ఉంచారు. ఈ ఘటన ఆ ప్రాంత నివాసితులలో భయాందోళనలను రేకెత్తించింది. భద్రతా బలగాలు ఆ ప్రాంతాన్ని చుట్టుముట్టి, డ్రోన్ యొక్క స్వభావాన్ని, అది కూలిపోవడానికి దారితీసిన పరిస్థితులను తెలుసుకోవడానికి దర్యాప్తు ప్రారంభించాయి.