లక్నో: ఉత్తరప్రదేశ్‌లోని అమ్రోహాలోని ఢిల్లీ-లక్నో జాతీయ రహదారిపై(Delhi-Lucknow National Highway) ఆగి ఉన్న డీసీఎంను వేగంగా వస్తున్న కారు ఢీకొట్టడంతో నలుగురు ఎంబీబీఎస్ విద్యార్థులు(MBBS Students) అక్కడికక్కడే మృతి చెందినట్లు అధికారులు గురువారం తెలిపారు. ఢీకొన్న ప్రభావం చాలా తీవ్రంగా ఉండటంతో కారు పూర్తిగా నుజ్జునుజ్జు అయింది. సమాచారం అందుకున్న పోలీసులు వెంటనే సంఘటనా స్థలానికి చేరుకుని మృతదేహాలను పోస్ట్‌మార్టం కోసం తరలించారు. ఫోరెన్సిక్ బృందాలు, పోలీసు సిబ్బంది రాత్రంతా సంఘటన స్థలంలోనే ఉండి, శిథిలాలను పరిశీలించి, ప్రమాదానికి దారితీసిన పరిస్థితులను దర్యాప్తు చేశారు.

మృతులు నలుగురు వెంకటేశ్వర్ విశ్వవిద్యాలయంలో(Venkateswara University) ఎంబీబీఎస్ విద్యార్థులుగా చెబుతున్నారు. విశ్వవిద్యాలయ అధికారులు కూడా సంఘటనా స్థలానికి చేరుకుని బాధితుల గుర్తింపులను నిర్ధారించి, వారి కుటుంబాలకు సమాచారం అందించారు. రాజబ్‌పూర్ పోలీస్ స్టేషన్(Rajabpur Police Station) నుండి ఒక పోలీసు బృందం సంఘటనా స్థలాన్ని పరిశీలించింది. ప్రమాదానికి ఖచ్చితమైన కారణాన్ని తెలుసుకోవడానికి ప్రయత్నాలు జరుగుతున్నాయి. అదే రాత్రి జరిగిన మరో విషాద సంఘటనలో, అమ్రోహాలోని గజ్రౌలా జాతీయ రహదారి 9పై రాత్రి 8:45 గంటల ప్రాంతంలో ట్రక్కు, మోటార్ సైకిల్ ఢీకొన్న ప్రమాదంలో ఇద్దరు యువకులు మృతి చెందారని అధికారులు తెలిపారు. మృతులను లఖింపూర్ ఖేరీ జిల్లాలోని సోనా ఖుర్ద్ గ్రామానికి చెందిన వారిగా గుర్తించారు. బైక్ రైడర్లుగా పనిచేస్తున్న గురుగ్రామ్ నుండి ఇంటికి తిరిగి వస్తుండగా ఈ ప్రమాదం జరిగిందని అధికారులు వెల్లడించారు. కేసు నమోదు చేసుకున్న కేపోలీసులు సంఘటనా స్థలానికి చేరుకుని, మృతదేహాలను స్వాధీనం చేసుకుని పోస్ట్‌మార్టం నిమిత్తం మార్చురీకి తరలించామని పోలీసులు తెపిపారు.