డబ్ల్యూపీఎల్ 2026 షెడ్యూల్ ఇదే

ముంబై, నవంబర్ 29 : మహిళల క్రికెట్‌కు మరింత క్రేజ్ తీసుకొచ్చిన వుమెన్స్ ప్రీమియర్ లీగ్ 2026 సీజన్ షెడ్యూల్ వచ్చేసింది. వేలం రోజున సీజన్ తేదీలను వెల్ల డించిన బీసీసీఐ తాజాగా పూర్తి షెడ్యూల్‌ను ప్రకటించింది. జనవరి 9 నుంచి డబ్ల్యూపీఎల్ నాలుగో సీజన్ మొదలవనుండగా.. మొత్తం 22 మ్యాచ్‌లు నాలుగు వారాల పాటు అభిమానులను అలరించనున్నాయి. ఆరంభ మ్యాచ్‌లో రాయల్ ఛాలెంజర్స్ బెంగళూరు,ముంబై ఇండియన్స్ తలపడబోతున్నాయి. ఈ సారి రెండు వేదికల్లోనే మ్యాచ్‌లను నిర్వహించనున్నారు.

నవీ ముం బైలో 11, వడోదరాలో 11 మ్యాచ్‌లు జరిగేలా షెడ్యూల్ తయారు చేశారు. ఎలిమినేట ర్, ఫైనల్‌కు వడోదరానే ఆతిథ్యమివ్వనుంది. మొత్తం ఐదు జట్లు పోటీపడనుండగా.. పా యింట్ల పట్టికలో అగ్రస్థానంలో నిలిచిన జట్టు నేరుగా ఫైనల్లో అడుగుపెట్టనుండగా.. ఎలిమినేటర్ విజేతతో ఫిబ్రవరి 5న ఫైనల్ జరుగుతుంది. ఇప్పటి వరకూ జరిగిన మూ డు సీజన్లలో ముంబై రెండుసార్లు, ఆర్సీబీ ఒకసారి చాంపియన్‌గా నిలిచాయి.