వైభవంగా గణేశ్ నిమజ్జనం

గోడి విజేత దేవి, సతీష్ రెడ్డి ఆధ్వర్యంలో గణపతి వేడుకలు

రాగ మ్యూజిక్ అకాడమీ ఆధ్వర్యంలో సంగీత కచేరీ 

హైదరాబాద్, సెప్టెంబర్ 25 (విజయక్రాంతి): జూబ్లీహిల్స్ రోడ్ నంబర్ 65లోని గోడి సతీష్ రెడ్డి, గోడి విజేత దేవి నివాసంలో గణపతి నవరాత్రి వేడుకలు భక్తి శ్రద్ధలతో ఘనంగా జరిగాయి. ఏపీ సీఎం నారా చంద్రబాబు నాయుడు(AP CM Nara Chandrababu Naidu) నివాసానికి సమీపంలో నిర్వహించిన ఈ వేడుకల్లో భక్తులు పెద్ద సంఖ్యలో పాల్గొన్నారు. పూజలు, అన్నదానం, కర్ణాటక శాస్త్రీయ సంగీత కచేరీ, సంప్రదాయ కోలాటం తదితర కార్యక్రమాలు భక్తులను ఆకట్టుకున్నాయి. వేడుకల్లో భాగంగా రాగ మ్యూజిక్ అకాడమీ(Raga Music Academy) ఆధ్వర్యంలో కర్ణాటక శాస్త్రీయ సంగీత కచేరీ నిర్వహించారు.

ప్రముఖ కర్ణాటక సంగీత కూర్పు మహాగణపతింతో కచేరీ ప్రారంభమై, పలు శాస్త్రీయ కర్ణాటక సంగీత కృతులు, అష్టకా లు, శ్లోకాలను ఆలపించారు. కర్ణాటక శాస్త్రీ య సంగీత కచేరీ అనంతరం గణేశ నిమజ్జన వేడుకల్లో భాగంగా తెలంగాణ సంప్రదాయ జానపద కళ కోలాటం నిర్వహించారు.

నాగర్‌కర్నూల్ జిల్లా ఉప్పునుంతల మండలం మోల్గర గ్రామానికి చెందిన వివేకానంద కోలాటం బృందం కళాకారులు సంప్రదాయ కోలాట ప్రదర్శనతో ఆకట్టుకున్నారు. భక్తులు, స్థానికులు కళాకారులతో కలిసి కోలాటంలో పాల్గొని వేడుకలను మరింత ఉత్సాహభరితంగా మార్చారు. గోడి పిచ్చి రెడ్డి, గోడి పద్మావతితో పాటు కుటుంబ సభ్యులు వేడుకల్లో పాల్గొన్నారు. కుటుంబ సభ్యులు ఏళ్లుగా ఇటువంటి పండుగలు, సాంస్కృతిక కార్యక్రమాలను నిర్వహిస్తూ భక్తి, సేవ, సంప్రదాయం, సామాజిక ఐక్యత ను కొనసాగిస్తున్నారు.

అనంతరం భక్తిశ్రద్ధలతో గణేశుడి నిమజ్జన కార్యక్రమాన్ని నిర్వ హించారు. గోడి విజేత దేవి మాట్లాడుతూ గణేశుడి  ఆశీస్సులతో వరుసగా ఐదో సంవత్సరం ఎలాంటి విఘ్నాలు లేకుండా గణపతి నవరాత్రి వేడుకలను నిర్వహించుకోవడం ఎంతో ఆనందంగా ఉందని పేర్కొన్నారు. కుటుంబంతో పాటు పరిసర ప్రాంతాల్లోని ప్రజలందరికీ ఆనందం, శాంతి, సంతోషం, సానుకూల వాతావరణాన్ని అందించాలనే ఉద్దేశంతో ఈ వేడుకలను నిర్వహిస్తున్నామని తెలిపారు.