ఇల్లెందు (విజయక్రాంతి): సింగరేణి ఇల్లందు ఏరియాలో పనిచేస్తూ ఆదివారం ఉద్యోగ విరమణ పొందుతున్న ఏ.జి.యం.(ఐ.ఇ) యం.గిరిధర రావుని జియం కార్యాలయంలో జి.యం. వి.కృష్ణయ్య, ఇతర ఉన్నతాధికారులు ఘనంగా సన్మానించారు. ఈ సందర్భముగా ఏరియా జి.యం. మాట్లాడుతూ.. సింగరేణి సంస్థలో వివిధ హోదాలలో పనిచేశారని ఆయన చేసిన సేవలు మరువలేనివని అంకితభావంతో పనిచేసి అందరిమన్నలను పొందారని వారి శేష జీవితం సుఖమయంగా ఉండాలని కోరుకున్నారు. కార్యక్రమంలో యస్వోటు జియం రామస్వామి, ఏరియా ఇంజినీరు ఆర్వీ నరసింహరాజు, డీజీఎం(పర్సనల్) అజ్మీర తుకారాం, డీజీఎం(ఐ.ఇ.) ప్రభాకర్ రావు, అధికారుల సంఘం నుండి చిన్నయ్య, గుర్తింపు సంఘం నుండి లచ్చిరం, ప్రాతినిధ్య సంఘం నుంచి జే.వెంకటేశ్వర్లు, ఇతర జి.యం.ఆఫీసు అధికారులు, ఉద్యోగులు తదితరులు పాల్గొన్నారు.