calender_icon.png 30 November, 2025 | 7:50 PM

  • top-fb.png
  • top-tw.png
  • top-insta.png
  • top-yt.png

కవి వెంకట్ కు రాష్ట్ర స్థాయి ఆత్మీయ సమ్మేళన సన్మానం

30-11-2025 07:22:36 PM

నిర్మల్ (విజయక్రాంతి): నిర్మల్ కు చెందిన కవియాత్ర జాతీయ ప్రధాన కార్యదర్శి, తెలంగాణ రచయితల వేదిక జిల్లా ప్రధాన కార్యదర్శి, ప్రముకపద్యకవి, వ్యాఖ్యాత డా బి.వెంకట్ కలం స్నేహం రాష్ట్రస్థాయి ఆత్మీయ సమ్మేళన సన్మానాన్ని కలం స్నేహం వ్యవస్థాపకులు ఆచార్య గోపాల్,డా కావేరి ఫౌండేషన్ చైర్మన్ డా అప్పాల చక్రధారి, జాతీయ కన్వీనర్ గీతాశ్రీ స్వర్గం, జిల్లా అధ్యక్షులు దేవిప్రియ, సమన్వయ కార్యదర్శులు కడారి దశరథ్, కొండూరి పోతన్న, తెలంగాణ రచయితల వేదిక జిల్లా అధ్యక్షులు నేరెళ్ళ హన్మంతుల చేతులమీదుగా అందుకున్నారు‌.

రాష్ట్రస్థాయిలో నిర్మల్ పెన్షన్ భవన్ లో జరిగిన ఈ సభలో ప్రముఖ కవులు కళాకారులు తదితరులున్నారు. డా బి.వెంకట్ కవి మాట్లాడుతూ.. సంగీతాది లలిత కళలకు విద్యనే మూలమని అన్నారు. సరస్వతీ అమ్మవారి అనుగ్రహముతో అన్ని రంగాల్లో రాణించాలని అన్నారు. తర్వాత సంస్కృత సుభాషితాలను, శ్లోకాలను, తెలుగుపద్యాలను గానం చేశారు. తాను సమాజమునకు అందించిన‌ సాహితీ సేవలకు గుర్తుగా విశిష్ట అతిథిగా ఈ సన్మానమును పొందినట్లు చెప్పారు. ప్రముఖ కవులు బొందిడి పురుషోత్తమరావు, అంబటి నారాయణ,పత్తి శివప్రసాద్, పోలీస్ భీమేశ్ లు వెంకట్ కు శుభాకాంక్షలు తెలిపారు.