14 మంది ప్రయాణికులతో ఓవర్‌లోడ్‌... ఆటో డ్రైవర్‌ అరెస్ట్

హైదరాబాద్: ప్రమాదకరమైన డ్రైవింగ్, మద్యం మత్తులో డ్రైవింగ్, కార్లతో రేసింగ్, స్టంట్లు, బైకులపై విన్యాసాలు ఇలా ఎన్నో ప్రమాదకర ఘటనలు రోడ్ల మీద ఇతర వాహనదారులను భయపెడుతున్నాయి. తాజాగా ఇంటర్నెట్ లో ఒకేసారి 14 మంది ప్రయాణికులను తరలిస్తున్న వీడియో వైరల్ కావడంతో హైదరాబాద్‌లోని చంద్రాయణగుట్టలో ఒక ఆటో డ్రైవర్‌ను పోలీసులు అరెస్టు చేశారు. ఈ ఘటన బర్కాస్–సాదత్ నగర్ రోడ్డుపై చోటుచేసుకుంది. వైరల్ అయిన వీడియోలో, డ్రైవర్‌తో సహా మొత్తం 15 మంది ఆటో-రిక్షాలో ప్రయాణిస్తున్నట్లు స్పష్టంగా కనిపిస్తోంది. 

ఆటోలో స్థలం సరిపోకపోవడంతో, కొందరు ప్రయాణికులు వాహనానికి ప్రమాదకరమైన రీతిలో వేలాడుతూ కనిపించారు. డ్రైవర్ నిర్లక్ష్యపు ప్రవర్తన, పరిమితికి మించి ప్రయాణికులను తరలించడం వల్ల ప్రాణాలకు ముప్పు వాటిల్లుతుందని ఆందోళనలు వ్యక్తం అవుతున్నాయి. ఆ వీడియోలో డ్రైవర్ అధిక వేగంతో వాహనాన్ని అకస్మాత్తుగా మలుపులు తిప్పడం కూడా కనిపిస్తుంది. చంద్రాయణగుట్ట పోలీసులు తెలిపిన కథనం ప్రకారం... "ఈ ఘటన గురువారం రాత్రి జరిగింది. అదే రోజు ఖాన్‌ను అరెస్టు చేశారు. అజాగ్రత్తగా, నిర్లక్ష్యంగా వాహనం నడిపి ప్రాణాలకు ముప్పు కలిగించినందుకు గాను, భారతీయ న్యాయ సంహితలోని సెక్షన్ 125(a) కింద అతనిపై కేసు నమోదు చేశారు.