కొత్త పన్ను శ్లాబులు ఇవే..! ట్యాక్స్ పేయర్లకు శుభవార్త

ఆదాయపు పన్నుపై కేంద్రం కీలక బడ్జెట్ ప్రకటన

కేంద్ర ప్రభుత్వం మినహాయింపు పరిమితి పెంపు

 మధ్యతరగతి వర్గాలకు శుభవార్త

న్యూఢిల్లీ: వ్యకిగత ఆదాయపన్నుపై కేంద్రప్రభుత్వం కీలక నిర్ణయం తీసుకుంది. చాన్నాళ్లుకు ఏన్డీయే హయాం(National Democratic Alliance)లో పన్ను చెల్లింపుదారులకు భారీ ఊరట లభించింది. జీతాలు పొందే వ్యక్తులు, మధ్యతరగతికి ఉపశమనం కలిగించే అంశంగా, కేంద్ర ప్రభుత్వం తాజా బడ్జెట్‌లో ఆదాయపు పన్ను మినహాయింపు పరిమితిని పెంచుతున్నట్లు ప్రకటించింది. కొత్త పన్ను విధానం(Income Tax Slabs Budget 2025) ప్రకారం రూ.12 లక్షల వరకు వార్షిక ఆదాయం ఉన్న వ్యక్తులకు ఆదాయపు పన్ను నుండి మినహాయింపు లభిస్తుందని ఆర్థిక మంత్రి నిర్మలా సీతారామన్(Finance Minister Nirmala Sitharaman) ప్రకటించారు. అదనంగా, ప్రామాణిక తగ్గింపుతో కలిపితే, మొత్తం పన్ను రహిత ఆదాయ పరిమితి సంవత్సరానికి రూ.12.75 లక్షలకు పెరుగుతుంది. వడ్డీ ఆదాయంపై మూలం వద్ద పన్ను మినహాయింపు (Tax Deducted at Source) పరిమితిని కూడా పెంచుతున్నట్లు మంత్రి ప్రకటించారు. ప్రస్తుత రూ.50,000 పరిమితిని రూ.1 లక్షకు పెంచారు. అంతేకాకుండా, సీనియర్ సిటిజన్లకు అద్దె ఆదాయంపై మినహాయింపు పరిమితిని సంవత్సరానికి రూ. 2.4 లక్షల నుండి రూ. 6 లక్షలకు పెంచారు.

కొత్త ఆదాయపు పన్ను స్లాబ్‌లు

రూ.4 లక్షల వరకు – పన్ను లేదు

రూ.4 లక్షల నుండి రూ.8 లక్షల వరకు – 5శాతం

రూ.8 లక్షల నుండి రూ.12 లక్షల వరకు – 10శాతం

రూ.12 లక్షల నుండి రూ.16 లక్షల వరకు – 15శాతం

రూ.16 లక్షల నుండి రూ.20 లక్షల వరకు – 20శాతం

రూ.20 లక్షల నుండి రూ.24 లక్షల వరకు – 25శాతం

రూ.24 లక్షల కంటే ఎక్కువ – 30శాతం