కేసీఆర్ చిత్రపటానికి క్షీరాభిషేకం చేసిన మాజీ మంత్రి మల్లారెడ్డి, మాజీ మేయర్ జక్క వెంకటరెడ్డి

మేడిపల్లి, నవంబర్ 29 (విజయక్రాంతి): ఫిర్జాదిగూడ మున్సిపల్ కార్పొరేషన్ పరిధిలో మాజీ మేయర్ జక్క వెంకట్ రెడ్డి ఆధ్వర్యంలో జరిగిన దీక్షా దివస్ కార్యక్రమంలో మాజీ మంత్రి, మేడ్చల్ శాసనసభ్యు లు చామకూర మల్లారెడ్డి పాల్గొన్నారు. ఈ సందర్భంగా అమరవీరుల స్తూపానికి, తెలంగాణ తల్లి విగ్రహానికి పూలమాలవేసి నివాళులు అర్పించారు. అనంతరం మాజీ సీఎం కేసీఆర్ చిత్రపటానికి పాలాభిషేకం చేశారు.

ఈ సందర్భంగా మల్లారెడ్డి మాట్లాడుతూ తెలంగాణ రాష్ట్రాన్ని సాధించడం కోసం కేసీఆర్ ఇదే రోజు 2009 నవంబర్ 29న తెలంగాణ రాష్ట్రాన్ని సాధించాలని ఆమరణ నిరాహార దీక్షకు పూనుకొని తన ప్రాణాలను సైతం లెక్కచేయకుండా నీళ్లు, నిధులు, నియామకాల కోసం తెలంగాణ ప్రాంతం అభివృద్ధి కోసం ఆంధ్ర వలస వాదులపై అప్పటి కేంద్ర, రాష్ట్ర ప్రభుత్వాలపై విరామం ఎరగని పోరాటం చేసి తెలంగాణ రాష్ట్రాన్ని సాధించిన మహా నాయకుడు కెసిఆర్.

సిద్ధించిన తెలంగాణ రాష్ట్రంలో నీళ్లు నిధులు నియామకాలు అనేక సంక్షేమ పథకాలను ప్రజలకు అందించి రాష్ట్రంలోని గోదావరి నదీ ప్రవాహాన్ని ఒడిసిపట్టి కాలేశ్వరం లాంటి పెద్ద ప్రాజెక్టులు  నిర్మించి బీడు భూములను సైతం పచ్చని మాగానిగా మార్చిన ఘనత కేసిఆర్ కే దక్కిందని, మిషన్ కాకతీయ ద్వారా చెరువులను నింపి నీటిని పంటలకు అందించి సస్యశ్యామలo చేసిన అపర భగీరధుడుగా చరిత్రలో నిలిచిపోయారని, గడిచిన 10 సంవత్సరాల బిఆర్‌ఎస్ ప్రభుత్వంలో అన్ని వర్గాల ప్రజలకు అభివృద్ధి సంక్షేమ పథకాలు అందించి రాష్ట్రాన్ని దేశంలోనే అగ్రగామిగా నిలిపారని మల్లారెడ్డి అన్నారు.

కాంగ్రెస్ ప్రభుత్వం వచ్చాక అన్ని సంక్షేమ పథకాలు అమలు చేయడం లేదని, మళ్లీ బిఆర్‌ఎస్ ప్రభుత్వం వస్తుందని ధీమా  వ్యక్తం చేశారు. తెలంగాణ కోసం కెసిఆర్ స్ఫూర్తితో పిజ్జాదిగూడలో అనేకమంది ఉద్యమంలో పాల్గొని లాటిచార్జీలకు, కేసులకు భయపడకుండా ఉద్యమం లో పాల్గొన్న ఉద్యమ కారులందరికీ  కృతజ్ఞతలు తెలిపారు.

ఈ కార్యక్రమంలో ప్రధాన కార్యదర్శి ఎడవల్లి రఘు వర్ధన్ రెడ్డి, మాది కార్పోరేటర్లు దొంతిరి హరిశంకర్ రెడ్డి, కొల్తూరు మహేష్, లేతకుల మాధవి, రఘుపతి రెడ్డి, వర్కింగ్ ప్రెసిడెంట్ ఏనుగు మనోరంజన్ రెడ్డి, మహిళా అధ్యక్షురాలు నిర్మల, యూత్ అధ్యక్షుడు ప్రభాకర్ రెడ్డి, మైనార్టీ అధ్యక్షులు జిలాని  పాషా, జావిద్ ఖాన్, శంకర్ గౌడ్, కుర్రముల శ్రీరాములు గౌడ్, మల్లం వెంకటేష్ గౌడ్, కూరెళ్ళ ఉపేందర్, లగ్గాని సోమేశ్ గౌడ్, కిరణ్ గౌడ్, మాజీ ప్రజా ప్రతినిధులు, బిఆర్‌ఎస్ కార్యకర్తలు, యువతి, యువకులు అభిమానులు తదితరులు పాల్గొన్నారు.