పనులను పరిశీలించిన కలెక్టర్ నారాయణరెడ్డి

రంగారెడ్డి, నవంబర్ 29 (విజయక్రాంతి): మహేశ్వరం నియోజకవర్గం కందుకూర్ మండలం  బేగరికంచె వైల్కుంట తాండలో నిర్వహించే గ్లోబల్ సమ్మిట్ కు సంబంధించి ఏర్పాట్లను శనివారం జిల్లా కలెక్టర్ నారాయణరెడ్డి పరిశీలించారు. అంతర్జాతీయ స్థాయిలో నిర్వహించే గ్లోబల్ సమ్మిట్ లో ఏర్పాటు నిర్వహణలో ఎక్కడ, ఎలాంటి పొరపాట్లు తావివ్వకుండా  పనులను సకాలంలో పూర్తి చేయాలని జిల్లా కలెక్టర్ సి. నారాయణ రెడ్డి సంబంధిత అధికారులకు సూచించారు.

  డిసెంబర్ 8 మరియు 9వ తేదీలలో గ్లోబల్ సమ్మిట్ రాష్ట్ర ప్రభుత్వం ఎంతో ప్రతిష్టాత్మకంగా తీసుకుంది. పనుల నిర్వహణ పడుకో డిప్యూటీ సీఎం భట్టి,సీఎం రేవంత్ రెడ్డి లు పరిశీలించి వివిధ శాఖల అధికారులకు దిశా నిర్దేశం చేశారు. ఈ నేపథ్యంలో జిల్లాలు ఈ నేపథ్యంలో జిల్లా కలెక్టర్ పనులను ప్రత్యేకంగా పర్యవేక్షించి అధికారులకు పలు సూచనలు సలహాలు చేస్తున్నారు.

వివిధ ప్రాంతాల నుండి దేశాల నుండి డెలిగేట్స్ వస్తున్న సందర్బంగా విమానాశ్రయం నుండి గ్లోబల్ సమ్మిట్ నిర్వహిం చే ప్రాంతం వరకు రోడ్లు పరిశుభ్రంగా ఉండాలని, గ్లోబల్ సమ్మిట్ నిర్వహించే ప్రాంతంలో పారిశుద్ద్యం చేపట్టాలని మున్సిపల్ కమిషనర్లకు సూచించారు. చెత్తను ఎప్పటికప్పుడు తరలించాలని సూచించారు.  గ్లోబల్ సమ్మిట్ కార్యక్రమానికి సంబంధించిన ఏర్పాట్లలో ఎక్కడ ఎలాంటి పొరపా ట్లుకు తావ్వివకుండా పనులు పూర్తి చేయాలని సంబంధిత అధికారులకు సూచించారు. 

ప్రతి ఒక్కరూ తమ విధులని బాధ్యతో నిర్వహించి కార్యక్రమాన్ని విజయవంతం చేయాలన్నారు. రోడ్లపై ఎక్కడ ఎలాంటి చెత్త లేకుండా చూడాలని, గుంతలు లేకుండా, నీరు నిల్వ లేకుండా చర్యలు చేపట్టాలని కలెక్టర్ ఆదేశించారు. కలెక్టర్ వెంట జిల్లా అదనపు కలెక్టర్ (లోకల్ బాడీస్) శ్రీనివాస్, కందుకూర్ ఆర్డీఓ జగదీశ్వర్ రెడ్డి, మున్సిపల్ కమిషనర్లు, ఆర్ & బి అధికారులు, నేషనల్ హైవే అధికారులు, సంబంధిత ఇతర శాఖల అధికారులు తదితరులు పాల్గొన్నారు.