1. సబ్ రిజిస్ట్రార్ ఆఫీసులో తనిఖీలు!
   

అందుబాటులో లేని సిబ్బంది 

షట్టర్లు మూసుకున్న రైటర్లు

బాన్సువాడ, నవంబర్ 29 (విజయక్రాంతి): కామారెడ్డి జిల్లా బాన్సువాడ సబ్ రిజిస్ట్రార్ కార్యా లయంలో అక్రమాలు జరుగుతున్నాయన్న ఆరోపణల మేరకు విజిలెన్స్ అధికారులు దృష్టి సారించారు. అక్రమ రిజిస్ట్రేష న్లకు రైటర్లు సాహసిస్తున్నారన్న సమాచారం సమా చారం రావడంతో విజిలెన్సు అధికారులు శనివారం సోదాలు నిర్వహించేందుకు వచ్చినట్లు తెలిసింది. అయితే విజిలెన్స్ అధికారులు వస్తున్నారన్న సమాచారం తెలుసుకున్న రైటర్లు వారి షట్టర్ల ను బంద్‌చేసి, అందుబాటులో లేకుండా పోయారు.

కార్యాలయ అధికారితో పాటు సిబ్బంది సైతం కార్యాలయంలో అందుబాటులో లేరని తెలిసింది. బాన్సువాడ సబ్ రిజిస్టర్ కార్యాలయంలో రైటర్ లదే పెత్తనం కొనసాగుతున్నడంతో సామాన్యులు ఇబ్బంది పడుతున్నారు. రిజిస్ట్రేషన్లలో పైకం అందిస్తే ఏ పనైనా చేసి పెట్టేందుకు సిద్ధహస్తులవుతున్నారన్న ఆరోపణలు ఉన్నాయి. బాన్సువాడ పట్టణంలో ప్రధాన రహదారికి పక్కన ఉన్న షట్టర్ల నిర్మాణాలు ఉన్నప్పటికీ ఖాళీ స్థలం చూపిస్తూ రిజిస్ట్రేషన్ చేయడం జరిగిందని పుకార్లు వినిపిస్తున్నాయి. ఏదేమైనా సబ్ రిజిస్టర్ కార్యాలయంలో జరుగుతున్న అక్రమాలు, వెంచర్ల విషయంలో జరుగుతున్న అక్రమ రిజిస్ట్రేషన్ ల ప్రక్రియపై విజిలెన్స్ అధికారులు ఆరా తీస్తున్నట్లు తెలుస్తోంది.