రంజాన్ వేళ.. ఇజ్రాయెల్-హమాస్ మధ్య మరో ఒప్పందం

టెల్ అవీవ్,(విజయక్రాంతి): అత్యంత పవిత్రమైన రంజాన్‌ పర్వదినాన్ని పూరస్కరించుకొని ఇజ్రాయెల్-హమాస్ మధ్య ఆదివారం మరో ఒప్పందం కుదిరింది. గాజాలో కాల్పుల విరమణ ఒప్పందం పొడిగింపునకు ఇజ్రాయెల్ అంగీకారం తెలిపింది. రంజాన్ మాసం కావడంతో కాల్పుల విరమణ కొనసాగించాలని కోరిన అమెరికా ప్రతిపాదనకు ఇజ్రాయెల్ మద్దతిస్తున్నట్లు ప్రకటించింది. ఇజ్రాయెల్-హమాన్ ల మధ్య తొలిదశ కాల్పుల విరమణ ఒప్పందం నిన్నటితో ముగిసింది. అయితే గాజా స్ట్రిప్‌లోకి అన్ని వస్తువులు, సామాగ్రి ప్రవేశాన్ని నిలిపివేస్తున్నట్లు ఇజ్రాయెల్ వెల్లడించింది. ఇజ్రాయెల్ ప్రధానమంత్రి కార్యాలయం ఈ నిర్ణయం గురించి వివరించలేదు కానీ ఇజ్రాయెల్ కాల్పుల విరమణ పొడిగింపుకు అమెరికా చేసిన ప్రతిపాదన అని చెప్పే దానిని హమాస్ అంగీకరించకపోతే తీవ్ర పరిణామాలు ఉంటాయని హెచ్చరించింది. సహాయ సరఫరా పూర్తిగా నిలిపివేయబడిందా లేదా అనేది వెంటనే స్పష్టంగా తెలియలేదు. ఇజ్రాయెల్-హమాస్ కాల్పుల విరమణ మొదటి దశ, రెండవ దశ గురించి రెండు వైపులా ఇంకా చర్చలు జరగలేదు. దీనిలో ఇజ్రాయెల్ ఉపసంహరణ, శాశ్వత కాల్పుల విరమణకు ప్రతిగా హమాస్ డజన్ల కొద్దీ మిగిలిన బందీలను విడుదల చేయనుంది.