కర్ణాటక: నటుడు కమల్ హాసన్ సామాన్య వ్యక్తి కాదు.. ఇష్టానుసారంగా మాట్లాడురాదని కర్ణాటక హైకోర్టు మండిపడ్డింది. కన్నడ భాషపై ఏ ప్రాతిపదికన అలా మాట్లాడారని, కమల్ ఏమైనా చరిత్రకారుడా అని హైకోర్టు ప్రశ్నించింది. కర్ణాటక ప్రజలకు ఒక క్షమాపణ చెబితే సమస్య పరిష్కారం అవుతుంది కదా, క్షమాపణ కోరితే చెప్పకుండా రక్షణ కావాలని కోరుతూ కోర్టు వచ్చారని కోర్టు చివాట్లు పెట్టింది. భావప్రకటన స్వేచ్ఛ ఉన్నా.. సెంటిమెంట్ ను దెబ్బతీసెలా మాట్లాడకూడదని కోర్టు సూచించింది. జూన్ 5వ తేదీని థగ్ లైఫ్ సినిమా విడుదల కావాల్సి ఉంది. ఈ నేపథ్యంలో కన్నడ భాష.. తమిళం నుంచి  పుట్టిందని కమల్ హాసన్ చేసిన వ్యాఖ్యాలు ఇప్పుడు వివాదాస్పదంగా మారాయి. థగ్ లైఫ్ సినిమా విడుదలను అడ్డుకుంటామని కన్నడ మద్దతు దారులు ఆయనకు హెచ్చరికలు జారీ చేశారు. తన సినిమాను అడ్డుకోకుండా రక్షణ కోరుతూ కర్ణాటక హైకోర్టును ఆశ్రయించారు.