ఖాట్మండు: నేపాల్ కొత్త ప్రధానమంత్రిగా సీపీఎన్ యూఎంఎల్ చైర్మన్ కేపీ శర్మ ఓలీ నియమితులయ్యారు. ఇటీవల నేపాల్ ప్రధానిగా ఉన్న పుష్పకమల్ దవాల్ ప్రచండ అవిశ్వాస తీర్మానంలో ఓడిపోయారు. దీంతో రాజ్యంగంలోని ఆర్టికల్ 76-2 ప్రకారం అధ్యక్షుడు రామ్ చంద్ర పౌడెల్, ఓలీని నేపాల్ కొత్త ప్రధానిగా నియమించారు. దీంతో ఆయన సోమవారం మంత్రివర్గంతో పాటు నాటుగోసారి ప్రధానిగా ప్రమాణస్వీకారం చేయనున్నారు. నేపాల్ లో సంకీర్ణ ప్రభుత్వం అధికారంలో ఉన్న నేపథ్యంలో ప్రచండ ప్రధాని పదవి నుంచి తప్పుకోవాల్సి వచ్చింది. దీంతో ఓలికి చెందిన పార్టీ సీపీఎన్‌-యుఎంఎల్‌ మద్దతు ఉపసంహరణతో ప్రభుత్వం కూలింది. యుఎంఎల్, నేపాల్​ కాంగ్రెస్ పార్టీ కలిసి నూతన ప్రభుత్వాన్ని ఏర్పాటు చేశాయి.