రేవంత్.. ఎందుకు శిఖండి రాజకీయాలు?
- మా ఎమ్మెల్యేలను తొక్కేశారు
- అసెంబ్లీకి వెళ్తుంటే యుద్ధ వాతావరణం
- మహిళా ఎమ్మెల్యేలపట్ల కీచకం
హైదరాబాద్: తెలంగాణ అసెంబ్లీ ప్రాంగణంలో మహిళా ఎమ్మెల్యేలపట్ల కీచకంగా వ్యవహారించారని మాజీ మంత్రి, మహేశ్వరం ఎమ్మెల్యే సబితా ఇంద్రారెడ్డి(Maheshwaram MLA Sabitha Indra Reddy) ఆగ్రహం వ్యక్తం చేశారు. ఢిల్లీలో బీఆర్ఎస్ మహిళా ఎమ్మెల్యేలు(BRS women MLAs) బీఆర్ఎస్ ఎమ్మెల్యేలు సబితాఇంద్రారెడ్డి, సునీతాలక్ష్మారెడ్డి, కోవ లక్ష్మి మీడియాతో మాట్లాడారు. అసెంబ్లీ వద్ద తకుకు జరిగిన అవమానం చాలా బాధ కలిగించిందని సబితాఇంద్రారెడ్డి వాపోయారు. మహిళా ఎమ్మెల్యేల జట్టు పట్టుకుని లాగుతూ అరాచకం సృష్టించే ప్రయత్నం చేశారని ఆవేదన వ్యక్తం చేశారు. కుట్రలో భాగంగానే ఇదంతా జరిగిందని అర్థమవుతోందని ధ్వజమెత్తారు. తమను రక్షించేందుకు బీఆర్ఎస్ ఎమ్మెల్యేలు ప్రయత్నించారని వివరించారు. ఎమ్మెల్యేలను తోసేస్తే కిందపడిపోగా వాళ్లను తొక్కేశారని ఆరోపించారు.
జగదీశ్ రెడ్డి(Jagadish Reddy) బీపీ పెరిగి ఆరోగ్య సమస్యలు ఎదుర్కొన్నారన్న ఆమె చాలా మంది ఎమ్మెల్యేలకు దెబ్బలు తగిలాయన్నారు. అసెంబ్లీకి(Telangana Assembly) వెళ్తుంటే యుద్ధ వాతావరణం సృష్టించారని సబితా ఇంద్రారెడ్డి స్పష్టం చేశారు. మూడు రోజులుగా అడుగుతుంటే అరణ్య రోదనే అవుతూందన్నారు. తమను అసెంబ్లీలోకి వెళ్లకుండా అడ్డుకునే అధికారం ఎవరిచ్చారని ప్రశ్నించారు. ఎవరు ఆదేశాలు ఇస్తే ఆపారనేది అడుగుతుంటే సమాధానం లేదన్నారు. అసెంబ్లీలో తమ వాదనవినడానికి కూడా సిద్ధంగా లేరని సబితా ఇంద్రారెడ్డి వెల్లడించారు. అసెంబ్లీ జరిగిన తొలి రోజు అరెస్టు చేశాక పార్టీ ఆఫీస్ కు తరలించారని సూచించారు.
దాడిపై ఒక్క నిమిషం మాట్లాడే అవకాశం ఇవ్వలేదు
