లిక్కర్ వ్యాన్ బోల్తా.. మద్యం సీసాల కోసం ఎగబడ్డ జనం

బసిరెడ్డిపల్లి: చిత్తూరు జిల్లాలోని బైరెడ్డిపల్లె సమీపంలో శనివారం మద్యం లోడుతో వెళ్తున్న వ్యాన్ బోల్తా పడింది. దీంతో స్థానికులు అక్కడికి పరుగులు తీసి మద్యం సీసాలను ఎత్తుకుపోవడంతో గందరగోళం నెలకొంది. మహిళలతో సహా పెద్ద సంఖ్యలో ప్రజలు గుమిగూడి, మద్యం సీసాలను సేకరించి లుంగీలు, తువ్వాళ్లు, సంచులలో వాటిని తరలించుకుపోయారని ప్రత్యక్ష సాక్షులు తెలిపారు. అధికారులు అక్కడికి చేరుకునే లోపు ఈ ఘటన ఆ ప్రాంతంలో కాసేపు కలకలం సృష్టించింది. మగాళ్లతో సమానంగా మహిళలు మందు బాటిల్లు ఎత్తుకెళ్లడం విశేషం. వాహనంలో సుమారు పది లక్షల విలువ చేసే మద్యం ఉన్నట్లు డ్రైవర్ తెలిపాడు.