గద్వాల జిల్లాలో ఘోర అగ్నిప్రమాదం

హైదరాబాద్: జోగుళాంబ గద్వాల్ జిల్లా(Jogulamba Gadwal District) ఐజా వద్ద శనివారం ఉదయం డ్రిప్ పైప్‌లైన్ ఫ్యాక్టరీలో అగ్నిప్రమాదం జరగడంతో ఉద్రిక్తత నెలకొంది. ఈ సంఘటనలో ఫ్యాక్టరీలో నిల్వ చేసిన డ్రిప్ పైపులు, ఇతర ముడి పదార్థాలు కాలిపోయాయి. ఆస్తి నష్టం జరిగినప్పటికీ, ఎటువంటి ప్రాణనష్టం జరగలేదని అధికారులు తెలిపారు.

ఫ్యాక్టరీ ప్రాంగణం దాటి మంటలు వ్యాపించడంతో, గ్రామస్తులు భయాందోళనకు గురయ్యారు. మంటలను గమనించిన స్థానికులు అగ్నిమాపక, రెస్క్యూ సేవల విభాగానికి వెంటనే సమాచారం అందించారు. మంటలను ఆర్పడానికి అగ్నిమాపక దళాలను రంగంలోకి దించారు. గంట తర్వాత అగ్నిమాపక సిబ్బంది పరిస్థితిని అదుపులోకి తెచ్చారు. ఈ సంఘటన వెనుక షార్ట్ సర్క్యూట్ కారణంగానే ప్రమాదం జరిగిందని అధికారులు తెలిపారు.