నేడు సిట్ ముందుకు కొండా విశ్వేశ్వర్ రెడ్డి

హైదరాబాద్: భారతీయ జనతా పార్టీ చేవెళ్ల ఎంపీ కొండా విశ్వేశ్వర్ రెడ్డి(MP Konda Vishweshwar Reddy) శుక్రవారం నాడు ప్రత్యేక దర్యాప్తు బృందం (సిట్)  ముందు విచారణకు హాజరు కానున్నారు. ఉదయం 11 గంటలకు విచారణకు రావాలని సిట్ నోటీసులిచ్చింది. మొదట పంజాగుట్ట పోలీస్ స్టేషన్‌లో(Panjagutta Police Station) నమోదైన ఈ కేసు, వివిధ నాయకులు, వారి కుటుంబాలు, అధికారులు, మీడియా సిబ్బందిని అనధికార నిఘాకు గురిచేశారని ఆరోపించింది. తరువాత జూబ్లీ హిల్స్ ఎసిపి పి. వెంకటిగిరి ఆధ్వర్యంలో దర్యాప్తు అధికారిగా సిట్‌ను ఏర్పాటు చేశారు, వెస్ట్ జోన్ డిసిపి ఎస్.ఎం. విజయ్ కుమార్ దర్యాప్తును పర్యవేక్షించారు. ఎంపీ విశ్వేశ్వర్ రెడ్డి కేసులో సిట్ వాంగ్మూలం రికార్డు చేయనుంది. 2023 అసెంబ్లీ ఎన్నికల సమయంలో విశ్వేశ్వర్ రెడ్డి ఫోన్ ట్యాపింగ్ చేసినట్లు గుర్తించారు. సీడీఆర్ లిస్టులో కొండా విశ్వేశ్వర్ రెడ్డి నంబర్ ఉందని సిట్ తెలిపింది. సిట్ అధికారులు కొండా విశ్వేశ్వర్ రెడ్డికి 160 సీఆప్ పీసీ నోటీసులు అందజేశారు.