న్యూఢిల్లీ: తూర్పు ఢిల్లీలోని లక్ష్మీ నగర్‌లోని ఒక ప్రైవేట్ పాఠశాలకు బుధవారం ఉదయం బాంబు బెదిరింపు(Bomb Threats) కాల్ రావడంతో అత్యవసర చర్యలు చేపట్టి, ప్రజలను తరలించామని ఢిల్లీ అగ్నిమాపక సేవల (Department of Delhi Fire Service) అధికారి తెలిపారు. లవ్లీ పబ్లిక్ స్కూల్ లోపల పేలుడు పరికరాన్ని అమర్చారని పేర్కొంటూ ఉదయం 10.40 గంటల ప్రాంతంలో బెదిరింపు కాల్ వచ్చింది. ఈ సమాచారాన్ని వెంటనే స్థానిక పోలీసులు, అగ్నిమాపక శాఖ, ఇతర అత్యవసర సంస్థలకు తెలియజేశారు. అనేక అగ్నిమాపక దళాలు, బాంబు నిర్వీర్య బృందాలు, డాగ్ స్క్వాడ్‌లు, పోలీసు బృందాలు సంఘటనా స్థలానికి చేరుకున్నాయి. ముందు జాగ్రత్త చర్యగా విద్యార్థులు, ఉపాధ్యాయులు, సిబ్బందిని ఖాళీ చేయించామని అధికారులు తెలిపారు. ఇప్పటివరకు, అనుమానాస్పదంగా ఏమీ దొరికినట్లు నివేదికలు లేవని పోలీసులు తెలిపారు.