అఫ్ఘనిస్తాన్‌కు నేపాల్ షాక్

ఆసియా క్రీడల్లో సంచలనం

నిస్సిన్, సెప్టెంబర్ 26: ఆసియా క్రీడలు(Asian Games) పురుషుల క్రికెట్ పోటీల్లో పసికూన నేపాల్ ఆఫ్ఘనిస్తాన్‌(Afghanistan)కు భారీ షాకిచ్చింది. గ్రూప్-ఏ లో భాగంగా జపాన్‌లోని నిస్సిన్ నగరంలో జరిగిన లీగ్ మ్యాచ్‌లో నేపాల్(Nepal) 5 వికెట్ల తేడాతో బలమైన ఆఫ్ఘనిస్తాన్‌ను ఓడించింది. ఈ మ్యాచ్‌లో టాస్ గెలిచిన ఆఫ్ఘనిస్తాన్ మొదట బ్యాటింగ్ ఎంచుకుంది. అయితే, నేపాల్ స్పిన్నర్ల ధాటికి ఆఫ్ఘనిస్తాన్ బ్యాటర్లు చేతులెత్తేశారు. నిర్ణీత 20 ఓవర్లలో ఆఫ్ఘనిస్తాన్ 7 వికె ట్లు కోల్పోయి కేవలం 102 పరుగులు మాత్రమే చేయగలిగింది.

ఆ జట్టులో ఫైసల్ షినోజాదా (30), నజీబుల్లా జాద్రాన్ (30) మాత్రమే రాణించారు. నేపాల్ బౌలర్లలో లెగ్ స్పిన్నర్ కుశాల్ భుర్తేల్ 4 వికెట్లు పడగొట్టగా, లెఫ్ట్ ఆర్మ్ స్పిన్నర్ లలిత్ రాజ్‌బన్షి 3 వికెట్లు తీసి ఆఫ్ఘనిస్తాన్ పతనాన్ని శాసించారు. 103 పరుగుల స్వల్ప లక్ష్యంతో బరి లోకి దిగిన నేపాల్, ఆరంభంలోనే 31 పరుగులకే 3 వికెట్లు కోల్పోయి కష్టాల్లో పడింది. అయినప్పటికీ, సుందీప్ జోరా (34), మాజీ కెప్టెన్ రోహిత్ పౌడెల్ (33 నాటౌట్) బాధ్యతాయుతంగా ఆడి జట్టును గెలిపించారు. నేపాల్ 17.2 ఓవర్లలోనే 5 వికెట్లు కోల్పోయి లక్ష్యాన్ని చేధించింది.