హైదరాబాద్: దుబాయ్ నుంచి హైదరాబాద్ వస్తున్న విమానంలో ఎయిర్ హోస్టెస్‌తో అసభ్యంగా ప్రవర్తించిన కేసులో ఒక సాఫ్ట్‌వేర్ ఉద్యోగిని పోలీసులు ఆదివారం అరెస్టు చేశారు. క్యాబిన్ సిబ్బంది ఇచ్చిన ఫిర్యాదు మేరకు కేరళకు చెందిన ప్రయాణికుడు విమానంలో ప్రయాణిస్తున్నప్పుడు, ఎయిర్-హోస్టెస్ సేవలు అందిస్తుండగా ఆమెను తాకినట్లు ఆర్‌జిఐ విమానాశ్రయ పోలీసు స్టేషన్ ఇన్‌స్పెక్టర్ కంకయ్య సమపతి పేర్కొన్నారు.

ఆ ప్రయాణీకుడు మద్యం సేవించి ఉన్నట్లు క్యాబిన్ సిబ్బంది గమనించారు. విమానం ల్యాండ్ అయిన తర్వాత కెప్టెన్, గ్రౌండ్ సిబ్బందికి ఈ విషయాన్ని తెలియజేసినట్లు పోలీసులు తెలిపారు. ల్యాండ్ అయిన తర్వాత, ప్రయాణీకుడు తన పాస్‌పోర్ట్‌ను తన సీటులో పోగొట్టుకున్నానని పేర్కొన్నాడు. సిబ్బంది దాని కోసం వెతకడానికి వెళ్ళినప్పుడు అతను ఎయిర్‌ హోస్టెస్‌తో అసభ్యంగా ప్రవర్తించినట్లు వివరించారు. 

ఫిర్యాదు ఆధారంగా నిందితుడిపై సెక్షన్ 74, సెక్షన్ 75, భారతీయ న్యాయ సంహిత (BNS) ఇతర సంబంధిత నిబంధనల కింద కేసు నమోదు చేసి, అతన్ని అరెస్టు చేసినట్లు ఇన్‌స్పెక్టర్ వెల్లడించారు. అతన్ని స్థానిక కోర్టు ముందు హాజరుపరిచి, జ్యుడీషియల్ రిమాండ్‌కు పంపినట్లు పోలీసులు పేర్కొన్నారు.