హైదరాబాద్: తెలంగాణలో రెండో విడత గ్రామ పంచాయతీ ఎన్నికలకు నామినేషన్ల ప్రక్రియ కొనసాగుతోంది. ఆదివారం నుంచి డిసెంబర్ 2వ తేదీ వరకు నామినేషన్ల స్వీకరణ జరుగుతుంది. రెండో విడతలో నామినేషన్ల ఉపసంహరణ గడువు డిసెంబర్ 6న ముగుస్తుందని, 4,333 పంచాయతీలు, 38,350 వార్డులకు ఎన్నికలు జరుగనున్నాయని ఎన్నికల అధికారులు పేర్కొన్నారు. రెండో విడత పంచాయతి ఎన్నికలకు డిసెంబర్ 14న పోలింగ్ జరుగనుంది. నామినేషన్ల సంఖ్య పెరగడానికి సిద్ధంగా ఉండాలని జిల్లా ఎన్నికల అధికారులు, రిటర్నింగ్ అధికారులు సంబంధిత సిబ్బందిని ఆదేశించారు.

తొలి విడత పంచాయతీలకు నామినేషన్ల స్వీకరణ ప్రక్రియ ముగిసింది. ఈ ప్రక్రియ గురువారం ఉదయం 10.30 గంటలకు ప్రారంభమై శనివారం సాయంత్రం 5 గంటలకు ముగిసింది. మొదటి విడత పంచాయతీలకు భారీగా నామినేషన్లు వచ్చాయని, 4,236 సర్పంచ్ పదవులకు 25,654 నామినేషన్లు దాఖలు కాగా, 4,236 పంచాయతీలు, 37,440 వార్డు సభ్యుల పదవులకు ఎన్నికలు జనుగనున్నాయి.