న్యూఢిల్లీ: ప్రపంచ ఆరోగ్య సంస్థ (WHO) భారతదేశం కంటి వ్యాధి అయిన ట్రకోమా నుండి విముక్తి పొందినట్లు ప్రకటించిన తర్వాత ప్రధానమంత్రి నరేంద్ర మోడీ ఆదివారం భారత ఆరోగ్య కార్యకర్తల విజయాన్ని ప్రశంసించారు. తన నెలవారీ రేడియో కార్యక్రమం మన్ కీ బాత్ 123వ ఎపిసోడ్‌లో ప్రధాని మోదీ ప్రసంగించారు. భారతదేశాన్ని కంటి వ్యాధి అయిన ట్రకోమా నుండి విముక్తి పొందిన దేశంగా డబ్ల్యూహెచ్ఓ ప్రకటించిన విషయాన్ని మీతో పంచుకోవడానికి నేను సంతోషంగా ఉన్నాను అని అన్నారు. ఇది మన ఆరోగ్య కార్యకర్తల విజయం. 'జల్ జీవన్' మిషన్ దీనికి దోహదపడింది" అని ఆయన పేర్కొన్నారు.

ఈ సందర్భంగా రేడియో కార్యక్రమంలో ప్రసంగిస్తూ ప్రధాని మోదీ మాట్లాడుతూ... జూన్ 21న దేశవ్యాప్తంగా, ప్రపంచవ్యాప్తంగా లక్షలాది మంది అంతర్జాతీయ యోగా దినోత్సవ వేడుకల్లో పాల్గొన్నారు. ఇది 10 సంవత్సరాల క్రితం ప్రారంభమైందని, 10 సంవత్సరాలలో ప్రతి సంవత్సరం ఆయన సంప్రదాయం మునుపటి కంటే గొప్పగా మారిందని వెల్లించారు. ఇది ఎక్కువ మంది ప్రజలు తమ జీవితాల్లో యోగాను కలుపుకుంటున్నారని సూచిస్తుందన్నారు. కైలాస-మానసరోవర్ యాత్ర పునఃప్రారంభం, రాబోయే అమర్‌నాథ్ యాత్రపై ఆయన మాట్లాడారు.

చాలా కాలం తర్వాత కైలాస-మానసరోవర్ యాత్ర తిరిగి ప్రారంభమైందని, ఇది భక్తులకు ఒక ముఖ్యమైన క్షణమని వ్యాఖ్యానించారు. జూలై 3 నుండి అమర్‌నాథ్ యాత్ర ప్రారంభం కానుందని, యాత్రికులు మరోసారి ఈ పవిత్ర ప్రయాణాన్ని ప్రారంభించేందుకు వీలు కల్పిస్తుందన్నారు. ఈ తీర్థ యాత్రలను ప్రారంభించబోయే వారికి నా శుభాకాంక్షలు" అని మోదీ తెలిపారు. గత నెలలో జెనీవాలో జరిగిన 78వ ప్రపంచ ఆరోగ్య సమావేశంలో ప్రపంచ ఆరోగ్య సంస్థ (WHO) భారతదేశానికి ట్రాకోమాను ప్రజారోగ్య సమస్యగా నిర్మూలించిన సర్టిఫికేట్‌ను ప్రదానం చేసింది.

గత ఏడాది అక్టోబర్‌లో భారత ప్రభుత్వం ట్రాకోమాను ప్రజారోగ్య సమస్యగా తొలగించిందని WHO ప్రకటించింది. ఆగ్నేయాసియా ప్రాంతంలో ఈ ప్రజారోగ్య మైలురాయిని చేరుకున్న మూడవ దేశంగా భారతదేశం కూడా నిలిచిందని ప్రధాని హర్షం వ్యక్తం చేశారు. ట్రాకోమాను తొలగించడానికి ప్రభుత్వం జాతీయ అంధత్వం, దృష్టి లోపం నియంత్రణ కార్యక్రమం (NPCBVI) కింద వివిధ చర్యలు తీసుకుంది. 2019 నుండి జాతీయ కార్యక్రమం దేశంలోని అన్ని జిల్లాల నుండి నిర్దిష్ట డబ్ల్యూహెచ్ఓ భాగస్వామ్య ఫార్మాట్ ద్వారా కేసు నివేదికలను సేకరించడం ద్వారా ట్రాకోమా కేసుల కోసం నిరంతర నిఘా ఏర్పాటును అభివృద్ధి చేసింది. 2021-24లో దేశంలోని 200 స్థానిక జిల్లాల్లో నేషనల్ ట్రాకోమాటస్ ట్రిచియాసిస్ సర్వే జరిగింది.