బీఆర్‌ఎస్, బీజేపీ నేతల భారీగా కాంగ్రెస్ చేరిక

సిరికొండ, నవంబర్ 28 (విజయ క్రాంతి): సిరికొండ మండలం చీమన్పల్లి గ్రామంలో రాజకీయ వేడి నెలకొంది. బిఆర్‌ఎస్, బిజెపి పార్టీలకు చెందిన కీలక నాయకులు సహా 50 మంది ఓకే సారి కాంగ్రెస్ పార్టీలో చేరి గ్రామ రాజకీయాలకు ఘాటు ఇచ్చారు. నిజామాబాద్ రూరల్ క్యాంప్ కార్యాలయంలో రూరల్ ఎమ్మెల్యే డాక్టర్ భూపతి రెడ్డి కండువా కప్పి పార్టీలోకి ఆహ్వానించారు.ఈ సందర్భంగా ఎమ్మెల్యే భూపతి రెడ్డి మాట్లాడుతూ.. కాంగ్రెస్ పేదల పార్టీ.

ప్రభుత్వం అందిస్తున్న సంక్షేమ పథకాలతో ప్రజలు కాంగ్రెస్ వైపు పెద్ద ఎత్తున ఆకర్షితులవుతున్నారు అని అన్నారు. ఇందిరమ్మ ఇండ్లు, ఉచిత రేషన్ కార్డు, ఉచిత సన్నబియ్యం, 200 యూనిట్ల ఉచిత విద్యుత్, మహిళలకు వడ్డీ లేని రుణాలు, రైతు భీమా, రుణమాఫీ, రైతు భరోసా వంటి ప్రజా పథకాలు కాంగ్రెస్ బలోపేతానికి కారణమని పేర్కొన్నారు.

గత ప్రభుత్వాలు కమిషన్ల రాజకీయాలు చేసి ప్రజలకు అన్యాయం చేశాయని విమర్శించిన ఎమ్మెల్యే, రాబోయే చీమన్పల్లి సర్పంచ్ ఎన్నికల్లో కాంగ్రెస్ అభ్యర్థిని భారీ మెజార్టీతో గెలిపించాలని కార్యకర్తలను కోరారు.

ఎమ్మెల్యే సమక్షంలో గ్రామ శాఖ అధ్యక్షుడు ఏనుగు రాజేందర్ నేతృత్వంలో క్యాతం జలంధర్ రెడ్డి, ఏలేటి బాపురెడ్డి, కాటిపల్లి నడిపి గంగారెడ్డి, మాలవత్ లింబాద్రి, మాలవత్ భూపతి, బంతిలాల్, స్వరాజి, మాలవత్ మదన్లాల్, ముఖ్కి తిరుపతి, నాగపురం మహేందర్, సాయిలు, మల్లేష్, ఏనుగు రాజారెడ్డి, గొళ్లెం నరసయ్య, శేఖర్ తదితరులు కాంగ్రెస్ కండువా కప్పుకున్నారు. కార్యక్రమంలో డిసిసి ప్రధాన కార్యదర్శి వెల్మ భాస్కర్ రెడ్డి, రామచందర్ రెడ్డి, ఎర్రన్న, మండల అధ్యక్షుడు రవి పాల్గొన్నారు.