గజ్వేల్: గజ్వేల్ మండలం రంగంపేట గ్రామస్తులు సర్పంచ్ ను ఏకగ్రీవంగా ఎన్నుకున్నారు. సర్పంచ్ నామినేషన్లకు చివరి రోజు అయిన శనివారం రంగంపేట గ్రామ సర్పంచ్ పదవికి గ్రామానికి చెందిన నడిగోప్పుల నాగరాజు మాత్రమే రెండు సెట్ల నామినేషన్ వేశారు. దీంతో రంగంపేట గ్రామానికి నాగరాజు ఏకగ్రీవంగా ఎన్నికైనట్లు అయింది. గ్రామస్తులంతా తమ గ్రామాభివృద్ధి కోసం ఒకే తాటిపైకి వచ్చి నాగరాజును సర్పంచ్ గా ఎన్నుకున్నట్లు గ్రామస్తులు తెలిపారు. గతంలో మాజీ సర్పంచ్ నడిగప్పుల నరసమ్మ గ్రామాభివృద్ధికి ఎంతో కృషి చేసిందని ఆమె హయాంలో ఎంతో అభివృద్ధి జరిగిందని, అదే నమ్మకంతో ఆమె కుమారుడు నాగరాజును గ్రామస్తులమంతా ఏకగ్రీవంగా సర్పంచ్ గా ఎన్నుకున్నట్లు గ్రామస్తులు తెలిపారు. అందుకే గ్రామం నుండి ఆయన ఒకరి చేతనే నామినేషన్ వేయించినట్లు తెలిపారు.