బాల్యవివాహాలకు పాల్పడితే చర్యలు తప్పవు

 సర్పంచ్ పెద్దపంగ సైదులు 

 వేములపల్లి, ఏప్రిల్ 29 : గ్రామంలో బాల్యవివాహాలకు పాల్పడితే చట్టరీత్యా చర్యలు తప్పవని సర్పంచ్ పెదపంగ సైదులు అన్నారు. బుధవారం మండల పరిధిలోని శెట్టిపాలెం గ్రామంలో బాల్య వివాహాల అనర్థాలపై ఎస్త్స్ర డి వెంకటేశ్వర్లతో కలిసి గ్రామస్తులకు అవగాహన సదస్సు ఏర్పాటు చేశారు. ఈ సందర్భంగా ఆయన మాట్లాడుతూ కిశోర బాలికలకు బాల్య వివాహాల వల్ల కలిగే అనర్ధాలపై తల్లిదండ్రులు అవగాహన పెంచుకొని ఆండ్రాయిడ్ సెల్ ఫోన్లు బాలికలకు ఇవ్వకుండా జాగ్రత్త పడాలన్నారు.

చదువు రీత్యా ఫోన్లు అందించిన సెల్ ఫోన్ల వాడకంపై బాలికలను ఎప్పటికప్పుడు గమనించాలని సూచించారు. సెల్ ఫోన్ లో వచ్చే వివిధ యాపుల ద్వారా అసభ్యకరమైన ఫోటోలు వీడియోలు రీల్స్ చూడడం ద్వారా బాలికలు అనర్ధాలకు గురవుతారని హెచ్చరించారు. కిషోర్ బాలికల పట్ల తల్లిదండ్రులు అప్రమత్తంగా ఉండి వారి నడవ నడవడికను గమనిస్తూ ఉండాలని సూచించారు. ఈ కార్యక్రమంలో అంగన్వాడీ టీచర్లు విద్యార్థులు గ్రామస్తులు పాల్గొన్నారు.