కామారెడ్డి పెద్ద చెరువులో యువతి శవం లభ్యం

కామారెడ్డి (విజయక్రాంతి): కామారెడ్డి పెద్ద చెరువులో గుర్తుతెలియని యువతి శవం మంగళవారం లభ్యమైనట్లు దేవునిపల్లి పోలీసులు తెలిపారు. 20 నుంచి 30 సంవత్సరాల మధ్య వయసు ఉంటుందని మెడలో నల్లపూసల దండ చేతిపై ఇంగ్లీషులో రాజు మూడుసార్లు గొంతులు గల పచ్చబొట్లున్నట్లు దేవునిపల్లి ఎస్సై రాజు తెలిపారు. సంబంధికులు ఎవరైనా ఉంటే దేవునిపల్లి పోలీసులను సంప్రదించాలని ఆయన కోరారు. మృతురాలి వద్ద ఎలాంటి ఆధారాలు లేవని తెలిపారు. యువతి ఆత్మహత్య చేసుకున్నట్లు తెలుస్తుందని పేర్కొన్నారు. కేసు నమోదు చేసుకుని దర్యాప్తు చేయనున్నట్లు ఎస్సై తెలిపారు.